Հայերին վիրավորանք հասցրած ցուցարարների դեմ բողոք է ներկայացվել Հոլանդիայի դատախազություն

Հասարակական13:33, 30 Հունիս 2014

Հայերին վիրավորանք հասցրած ցուցարարների դեմ բողոք է ներկայացվել Հոլանդիայի դատախազություն

Հոլանդիայի Ալմելո քաղաքի հայ առաքելական եկեղեցու բակում բացված Ցեղասպանության հուշարձանի դեմ հունիսի 1-ին կազմակերպված բողաքի ցույցի կազմակերպիչների ու բանախոսների դեմ բողոք է ներկայացվել Հոլանդիայի դատախազություն: Բողոքի համար հիմք է ծառայել ցույցի ընթացքում հայերի հասցեին հնչեցված վիրավորանքները, խտրականության ու ատելության դրսևորումներն, ինչպես նաև Հայոց ցեղասպանության ժխտումը:

Թուրքական «Սոն հաբեր» լրատվական կայքի հաղորդմամբ՝ դատախազություն ներկայացված բողոքից զատ մի խումբ հոլանդացի պատգամավորներ գրավոր հարցեր են ուղարկել Հոլանդիայի արտաքին գործերի, սոցիալական հարցերի ու աշխատանքի, արդարադատության և անվտանգության նախարարություններ:

Պատգամավորները ուշադրություն են հրավիրել ցույցի ժամանակ պարզված պաստառների բովանդակությանը, ինչպես նաև պահանջել են պարզաբանել Հոլանդիայի կրոնական հիմնադրամի ենթակայության տակ գտնվող որոշ մզկիթների կողմից ցուցարարներին անվճար ավտոբուսներով ապահովելու հանգամանքը:

Հոլանդացի պատգամավորները, որոնք հայտարարելով, որ որոշ մզկիթներ օժանդակություն են ցույց տվել կազմակերպված բողոքի ցույցին, արտգործնախարարից պահանջել են հանդիպել թուրք պաշտոնակցի հետ և պարզություն մտցել այս հարցում: Վերջիններս Հոլանդիայի արտգործնախարարից պահանջել են Թուրքիայի հյուպատոսի հետ ևս այս թեմայով տեսակցություն ունենալ:

Ermenihaber.am