Իրավական07:49, 28 Հունիս 2014
Թուրքիայի ԱԳՆ-ն արձագանքել է ԱՄՆ կոնգրեսի հանձնաժողովի ընդունած բանաձևին
ԱՄՆ կոնգրեսի ներկայացուցիների պալատի արտաքին հարաբերությունների
հանձնաժողովի ընդունած բանաձևը խիստ վրդովեցրել է պաշտոնական Անկարային: Բանաձևն ԱՄՆ պետքարտուղարությունից պահանջում է ամենամյա հաշվետվություն ներկայացնել Կոնգրեսին կառավարության ջանքերի մասին՝ ուղղված Թուրքիայի Հանրապետությունում և հյուսիսային Կիպրոսում թուրքական բանակի կողմից թալանված, բռնագրավված կամ այլ կերպ յուրացված քրիստոնեապատկան գույքն ուսումնասիրելու, վերադարձն ապահովելու և պաշտպանությունը վերականգնելու մասին:
Թուրքական մամուլն այդ իրադարձությունը շտապեց որակել որպես հակաթուրքական բանաձևի ընդունում, Թուրքիայի շահերին հակասող քայլ: Թուրքական կողմը համոզված է, որ օրինագիծն ընդունվել է ամերիկահայ լոբբիի գործուն աջակցությամբ և ազդեցությամբ: Օրինագծի առաջարկը ներկայացվել է պալատի արտաքին հարաբերությունների հանձնաժողովի նախագահ հանրապետական պատգամավոր Էդ Ռոյսը:
Թուրքիայի արտգործնախարարությունը հանդես է եկել գրավոր հայտարարությամբ, որով քննադատել է ԱՄՆ ներկայացուցիչների պալատի նշյալ հանձնաժողովի ընդունած բանաձևը` բնորոշելով դա անտեղի քննադատություններ, սխալ տեղեկություններ և անհիմն մեղադրանքներ պարունակող օրինագիծ:
Հայտարարության մեջ հիշեցվում է, որ վերջին տարիների բարեփոխումների արդյունքում թուրքական իշխանությունները սատարում և աջակցում են ոչ մահմեդականների սրբավայրերի, աղոթատեղիների վերանորոգման գործընթացին: Անկարան ընդգծել է, որ ԱՄՆ-ի այդ քայլն անհեռատես և անպատասխանատու է և վտանգում է երկու երկրների համագործակցությունը տարբեր ասպարեզներում: Թուրքիայի արտգործնախարարությունը նաև հույս է հայտնել, որ թուրք-ամերիկյան հարաբերությունների պահպանմամբ մտահոգ շրջանակները ևս կարձագանքնեն:
Ermenihaber.am
Այս ենթաբաժնի վերջին նորությունները
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |