Աղթամարի Սուրբ Խաչը UNESCO-ի ցուցակում ընդգրկելու դիմում է ներկայացվել

Մշակութային07:30, 28 Հունիս 2014

Աղթամարի Սուրբ Խաչը UNESCO-ի ցուցակում ընդգրկելու դիմում է ներկայացվել

Վանի մշակույթի և զբոսաշրջության նահանգային վարչությունը դիմել է UNESCO-ին Վանի Աղթամար կղզու Սուրբ Խաչ եկեղեցին համաշխարհային ժառանգության ցուցակում ընդգրկելու համար: Նշյալ վարչության տնօրեն Մուզաֆֆեր Աքթուղը թուրքական «Դեմոկրատ հաբեր» լրատվական կայքին հայտնել է, որ UNESCO-ի ցուցակում ընդգրկվելու համար հայկական եկեղեցին ունի անհարժեշտ 10 պայմաններից 6-ը:

Եկեղեցին կառուցվել է 915-921 թթ. ճարտարպետ Մանվելի կողմից Արծրունյաց Գագիկ 1-ին թագավորի հրամանով: 1951թ.-ին թուրքական իշխանությունների որոշմամբ նույն թվականին հունիսի 25-ին սկսում են եկեղեցու քանդման աշխատանքները, որոնք, սակայն, դադարեցվում են թուրք հայտնի գրող Յաշար Քեմալի նախաձեռնությամբ:
Եկեղեցին վերանորոգվել է 2005-2007 թթ ԵՄ հիմնադրամների ներդրումների շնորհիվ և վերաբացվել է որպես թանգարան:

Տարին մեկ անգամ՝ Սուրբ Խաչի տոնին, հայ հոգևորականներին թույլատրվում է պատարագ մատուցել:

Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: