Թուրքիայի նախկին նախագահը ցմահ ազատազրկման է դատապարտվել

Տարածաշրջան13:30, 18 Հունիս 2014

Թուրքիայի նախկին նախագահը ցմահ ազատազրկման է դատապարտվել

Անկարայի 10-րդ ծանր հանցագործությունների դատարանը «Սեպտեմբերի 12»-ի գործով դատավարության վերաբերյալ որոշում է կայացրել: Դատարանը Թուրքիայի 7-րդ նախագահ, այնուհետև զինված ուժեր գլխավոր շտաբի պետ, պահեստազորի բանակի գեներալ Քենան Էվրենին և նախկին օդային ուժերի հրամանատար, պահեստազորի բանակի գեներալ Թահսին Շահինքայային դատապարտել է ցմահ ազատազրկման: Դրանից բացի, դատարանի որոշմամբ պահեստազորի գեներալները կոչումազրկվել են՝ իջեցվելով շարքայինի աստիճանի:

Պաշտոնաթող գեներալները, որոնք առողջական խնդիրների պատճառով գտնվում են զինվորական հոսպիտալներում, իրենց դատավարությանը հետևել են հիվանդասենյակից՝ տեսակամուրջի միջոցով:

Դատարանը կասկածյալներ 96 ամյա Քենան Էվրենին ու 88 ամյա Թահսին Շահինքայային մեղավոր է ճանաչել Թուրքիայի քրեական օրենսգրքի 765 հոդվածի հատկանիշներով՝ « Պետական իշխանության դեմ իրականացված հանցագործություն»՝ դատապարտելով ծանր ռեժիմի ցմահ բանտարկության: Այնուհետև մեղմացրել է պատիժը՝ թողելով միայն ցմահ բանտարկությունը:

Նշենք, որ Էվրենի գլխավորած 1980 թվականի հեղաշրջումն ամենաարյունալին էր 20-րդ դարի վերջին թուրքական բանակի կողմից իրականացրած հեղաշրջումների մեջ: Այս ճանապարհով բանակը չորս կառավարություն էր տապալել: 1980 օգոստոսի վերջին նիստ անցկացրած Թուրքիայի Գերագույն ռազմական խորհուրդը որոշեց հեղաշրջում իրականացնել սեպտեմբերի 12-ին, ինչն էլ հաջողվեց թուրքական զինված ուժերի հրամանատարությանը։

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: