Մուշում ռազմական գործողություններ են ընթանում քրդերի ու թուրք ուժայինների միջև

Տարածաշրջան13:00, 10 Հունիս 2014

Մուշում ռազմական գործողություններ են ընթանում քրդերի ու թուրք ուժայինների միջև

«Քուրդիստանի բանվորական կուսակցության» (ՔԲԿ-PKK) զինյալները երկու օր է, ինչ Մուշի նահանգի Վարթո շրջանի Իչմելեր և Լեյլեք գյուղերի մերձակայքում դիրքավորվել են և փորձում են հսկողություն սահմանել այդտեղով անցնող Վարթո-Քարլովա ցամաքային ճանապարհի և մնացյալ ճամփաների վրա:

Թուրքական «Դողան» լրատվական գործակալության տեղեկացմամբ` շուրջ 500 քուրդ գրոհային փակել են նշյալ մայրուղու երթևեկությունը: Նահանգապետի միջնորդական ջանքերի արդյունքում քրդերը Իչմելեր գյուղի շրջակայքն ազատել են հսկողությունից, բայց համառորեն չեն հեռանում Լեյլեք գյուղի մերձակայքից: Գրոհայինները փորում են ճանապարհները, ակոսներ բացում և անանցանելի դարձնում երթեևկության համար: Խոշոր փոսերը փակելու համար նահանգապետարանի ուղարկած տրակտորների ու բեռնատարների վարորդների վրա ՔԲԿ-ականները կրակ են բացել, հրկիզել են նրանց փոխադրամիջոցները: Կան վիրավորներ, որոնք շտապ հոսպիտալացվել են:

Նշվում է, որ այսօր վաղ առավոտյան քուրդ զինյալների դեմ հատուկ օպերացիա են իրականացրել նահանգի ոստիկանության հատուկ ստորաբաժանումները և ժանդարմերիան: Օպերացիային մասնակցել է նաև օդուժը: Այս պահին լարվածությունը դեռ շարունակվում է, թուրք ուժայիններից կա արդեն 4 վիրավոր:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: