Հասարակական13:03, 09 Հունիս 2014
Քոփթաշ. «Էրդողանի ուղերձը դրական է, բայց հարցեր կան»
Թուրքիայում հրատարակվող
հայկական «Ակոս» շաբաթաթերթի գլխավոր խմբագիր
Ռոբեր Քոփթաշը խոսել է վարչապետ Ռեջեփ Թայիփ Էրդողանի ցավակցական ուղերձի մասին: Քոփթաշը այն
ընդհանուր առմամբ դրական է գնահատել
և նշել, որ այն իր
մոտ շարք «բայցեր» է առաջացրել:
Թուրքական
«Բուգյուն» լրատվական կայքում հրապարակված հարցազրույցում Քոփթաշը
նախևառաջ մտահոգիչ է համարել, որ հայերի սպանությունները և տեղահանությունը ներկայացվում է որպես
պատերազմական կորուստ՝ համատեղ ցավի գաղափար ստեղծելով: Քոփթաշը կարծում է,
որ համատեղ
ցավի զգացումը նպատակ ունի քողարկել հայերի հետ կատարվածը:
«Սա շատ լուրջ խնդիր է, և կարծում
եմ, որ այս իմաստով տեքստը ժխտողական է»,-ասել է Քոփթաշը:
Քոփթաշին
մտահոգող երկրորդ հանգամանքն այն է, որ ցավակցական ուղերձում որևէ կերպ չի նշվում «Միություն
և առաջադիմություն» (Իթթհադ վե թերաքքի՝ երիտթուրքեր) կուսակցության
անունը, որն էլ կայացրել էր տեղահանության որոշումը:
«Եթե «Միություն և առաջադիմություն»-ն այսօր գոյություն ունենար և լիներ ընդդիմության
շարքերում, վստահ եմ, որ վարչապետը կասեր. «Միություն և առաջադիմություն»-ը սպանել է հայերին»: Ճիշտ այնպես, ինչպես
ասաց Դերսիմի դեպքերի հետ կապված՝ մեղադրելով «Ժողովրդահանարապետական» (ԺՀԿ-CHP) կուսակցությանը»,-նշել
է «Ակոսի» խմբագիրը:
Լրագրողի հարցին, թե ինչու երիտթուրքերի անունը չի նշվում, Քոփթաշը պատասխանել է, որ պատճառներից մեկն էլ այն է, որ
նշյալ կուսակցության ղեկավար հատվածը անցել
է «Ժողովրդահանրապետական» կուսակցության շարքերը, իսկ մի մասն էլ եղել է հանրապետության
հիմնադիր Աթաթուրքի շրջապատից: Ըստ Քոփթաշի՝ Էրդողանը գուցե քննադատում է այդ ժամանակվա
ԺՀԿ-ին, իհարկե Աթաթուրքին չանդրդառնալով, սակայն առանձնապես չի հարցնում, թե ինպես է ստեղծվել
պետությունը: Քոփթաշի բնութագրմամբ փոքրամասնությունների հանդեպ նրանց քաղաքականությունը քննադատել նշանակում է հայտնվել ականապատ տարածքում, իսկ վարչապետը դա չի ուզում:
«Այդ ականապատ տարածք մտնելու դեպքում տեղահանված հայերի փոխհատուցման պահանջներն ի հայտ կգան: Մարդկանց ձեռքին իրենց սեփականության վկայականները կան և նրանք իրենց ընտանիքների սպանության պատճառով կորուստներ են կրել: Դրանք գուցե մեծ դատական հայցերի և այլ ճնշումների հարց կարող են դառնալ: Նման հաշվարկը սարսափելի է թվում: Ուստի, կարծում եմ, որ 2015-ին և հետո հետյևալ հաշվարկով են շարժվում. անել չափավոր հայտարություններ, որոնք իրավական հետևանքներ չեն ունենա, բայց սիրտ կմեղմեն: Նվազագույնը տալով՝ ստանալ առավելագույնը»,-ասել է Քոփթաշը:
Ermenihaber.am
Այս ենթաբաժնի վերջին նորությունները
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Վերագնումի (ռեպո) պայմանագրի հիման վաճառվում են պարտատոմսեր՝ որոշ ժամանակ անց դրանք ավելի բարձր գնով հետ գնելու պայմանավորվածությամբ:
Մինչ Բորսայում Ստամբուլի ակտիվ ներդրողների թիվը կազմում է ընդամենը 5.6 միլիոն, կրիպտո ակտիվ օգտագործողների թիվը անցնում է 10 մլն-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Հրեա մասնագետը նշել է, որ թուրքական հրթիռի նախորդ տարբերակը սպառնալիք էր Հունաստանի և Հայաստանի համար, իսկ այժմ՝ այն սպառնալիք է ողջ տարածաշրջանի համար։
Ըստ նախարարի՝ Թուրքիան հիմա ծնելիության պատմական ամենացածր մակարդակի վրա է:
Պատժամիջոցների վերացումը Թուրքիային թույլ կտա F-35 կարծանիչներ ձեռք բերել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |