Կ.Պոլսի Հայոց պատրիարքի փոխանորդը խաբեության զոհ է դարձել

Տարածաշրջան11:34, 04 Հունիս 2014

Կ.Պոլսի Հայոց պատրիարքի փոխանորդը խաբեության զոհ է դարձել

Կ.Պոլսի հայոց պատրիարքի փոխանորդ Արամ արքեպիսկոպոս Աթեշյանն անցյալ տարի հուլիսի 25-ին մասնակցել էր վարչապետ Ռեջեփ Թայիփ Էրդողանի անունից մատուցված իֆթարին (մահմեդական Ռամազան ամսվա ընթացքում մատուցվող ընթրիք): Թուրքական «Սաբահ» թերթը հայտնում է, որ ընթրիքի ընթացքում Արամ Աթեշյանը վարչապետի հետ խոսել էր Ստամբուլի Գում Գափու շրջանում գտնվող Սանասարյան վարժարանի շենքը պատրիարքությանը վերադարձնելու շուրջ իրավիճակի մասին, վերջինս խոստացել էր օժանդակել: 3-4 օր հետո, երբ մամուլում հայտնվեց այս տեղեկությունը, պատրիարքարան էր զանգահարել մի անձ և ներկայացել որպես կառավարությանն առընթեր ազգային անշարժ գույքի տեսուչ:

Կասկածելի անձը, հանդիպելով Աթեշյանի հետ, նրան մի շարք փաստաթղթեր էր ստորագրել տվել, որոնք իբրև թե կապված են Սանասարյան վարժարանի վերադարձման հետ: Այդ անձը հայտնել է, որ անհրաժեշտ է նաև վճարել 6000 թուրքական լիրա սեփականության վկայականի համար: Որոշ ժամանակ անց, երբ Աթեշյանը զանգահարել էր կառավարություն, հասկացել էր, որ իրեն խաբել են: Կասկածյալը եղել է 9 անգամ դատապարտված Քեմալ Թայֆուն Ն.-ն, ում կարճ ժամանակ անց ձերբակալել էին: Նրա նկատմամբ որպես պատիժ պահանջվում է 7 տարվա ազատազրկում: Թուրքական աղբյուրը նշում է նաև, որ դեպքի առնչությամբ հեռախոսազրույցը և տեսագրությունները ջնջվել են:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: