Թուրքիան ահաբեչական է ճանաչել Քեսաբի վրա հարձակված «Ալ Նուսրա ճակատ» խմբավորմանը

Տարածաշրջան07:43, 04 Հունիս 2014

Թուրքիան ահաբեչական է ճանաչել Քեսաբի վրա հարձակված «Ալ Նուսրա ճակատ» խմբավորմանը

Սիրիայի կառավարական բանակի և «Սիրիացի քրդերի ժողովրդավարական միություն» ուժերի դեմ պատերազմող «Ալ Նուսրա ճակատ» խմբավորումը Թուրքիայի կառավարության կողմից ճանաչել է ահաբեկչական կազմակերպություն: «Ալ Նուսրա ճակատ»-ը ստեղծվել է 2012 թվականին «Սիրիայի ազատ բանակ» ընդդիմադիր զինուժի կազմում, իսկ 2013-ին` առանձնացել: Այն հայտնի է «Ալ Քաիդա» ահաբեկչկական կազմակերպության հետ ունեցած իր կապերով: Նշյալ կազմակերպությունն ավելի վաղ ահաբեկչական էր ճանաչվել նաև Միացյալ Նահանգների ու ՄԱԿ-ի կողմից:

Թուրքական «Հյուրրիյեթ» պարբերականի տեղեկացնում է, որ «Ալ Նուսրա ճակատ»-ի զինյալների շարքում կա շուրջ 500 թուրք, որոնցից 2-ը նույնիսկ հրամանատարական դիրք են զբաղեցնում: «Ալ Նուսրա ճակատ»-ն ահաբեկչական գործողություններ է իրականացրել ոչ միայն Սիրիայում, այլ նաև Իրաքում: Նշյալ խմբավորման զինյալներն աչքի են ընկել հատկապես իրենց սարսափելի դաժանությամբ. Նրանք համացանում տեղադրել են տեսանյութեր, թե ինչպես են գերիներին մարմնական կտտանքների ենթարկում:

Թուրքական աղբյուրը հիշեցնում է, որ «Ալ Նուսրա ճակատ»-ի գրոհայինները 2014-ի մարտին զինված հարձակում էին գործել Թուրքիայի հետ սահմանակից Սիրիայի հայաբնակ Քեսաբ գյուղաքաղաքի վրա, ինչի հետևանքով բնակավայրը հայաթափվել է:

«Խմբավորման կազմում ընդգրկված բազմաթիվ զինյալներ Սիրիա են անցել Թուրքիայի տարածքով, այդ պատճառով էլ Թուրքիան քննադատությունների թիրախ էր դարձել»,- գրում է «Հյուրրիյեթ»-ը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: