Թուրքիայում ալկոհոլի օգտագործման նոր սահմանափակումներ

Իրավական07:38, 02 Հունիս 2014

Թուրքիայում ալկոհոլի օգտագործման նոր սահմանափակումներ

Թուրքիայում ալկոհոլի օգտագործման սահմանափակումների վերաբերյալ օրենքում լրացումներ են արվել: Նոր օրենքը ուժի մեջ կմտնի հունիսի 11-ին:

Ըստ նոր օրենքի` արգելվում է ոգելից խմիչքների գովազդումը: Մինչև հունիսի 11-ը պետք է ապամոնտաժվեն ոգելից խմիչքները գովազդող բոլոր վահանակները, վերացվեն պաստառները, գովազդային ցուցանակները: Նոր օրենքին չենթարկվողները ստիպված կլինեն վճարել 5-200 հազար լիրա տուգանք:

Բացի այդ ժամը 22:00-ից հետո մինչև 06:00 ոգելից խմիչքի մանրածախ առուվաճառքն արգելվում է: Արգելվում է զբոսայգիներում, ափամերձ վայրերում, նստարաններին, փողոցներում զբոսանքի վայրերում ալկոհոլ պարունակող խմիչքների օգտագործումը: Չի թույլատրվում նաև խանութներում խմիչքը դնել ցուցափեղկերին մոտ` ժողովրդի աչքի առաջ: նոր որոշման համաձայն` ոգելից խմիչքվաճառող վայրերը, դպրոցներից և կրթական այլ հաստատություններից պետք է լինեն նվազագույնը 100մ հեռավորության վրա: Իսկ 18 տարեկանից ցածր տարիք ունեցողներին առհասարակ խմիչք չի թույլատրվում վաճառել: Հեռուստատեսությամբ հեռարձակվող սերիալներում, ֆիլմերում, երաժշտական հոլովակներում արգելվում է ոգելից խմիչքիօգտագործումը խրախուսող դրվագներ ցուցադրել: Ծխախոտի նման , խմիչքների վրա էլ այսուհետև կփակցվի առողջությանը հասցվող վնասների մասին նախազգուշացնող պիտակ:

Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։