Էրդողանն Օքմեյդանը նմանեցրել է ահաբեկչական որջի

Տարածաշրջան07:27, 26 Մայիս 2014

Էրդողանն Օքմեյդանը նմանեցրել է ահաբեկչական որջի

Ստամբուլի ոստիկանության ահաբեկչության դեմ պայքարի վարչությունը Օքմեյդան հրապարակում, որտեղ մի քանի օր շարունակ բախումներ էին տեղի ունենում ոստիկանների և ցուցարարների միջև, հատուկ օպերացիա է իրականացրել:

«BBC»-ի թուրքական ծառայությունը տեղեկացնում է, որ առավոտյան ոստիկանությունը նախօրոք ճգրտված հասցներում հետախուզություն է իրականացրել և ձերբակալել մի քանի մարդու:

Հատուկ օպերացիայի ընթացքում Օքմեյդան տանող փողոցներում ոստիկանական խմբեր են տեղակայվել: Իսկ ոստիկանության ստորաբաժանումներին օժանդակել են զրահապատ մեքենաներ, ջրցան մեքենաներ և ուղղաթիռներ: Նշվում է նաև, որ փողոցները, որտեղ ոստիկանությունը հետախուզություն է կատարել, փակվել են ոստիկանական ժապավեններով, ինչպես նաև արգելվել է լրագրողների մուտքը:

Լրատվականը հայտնում է նաև, որ Թուրքիայի վարչապետ Ռեջեփ Թայիփ Էրդողանը Գերմանիայից վերադառնալիս անդրադարձել է Օքմեյադանում տիրող իրադրությանը: Նրա խոսքերով Օքմեյդանը, կարծես, ահաբեկչական կազմակերպությունների որջ լինի և կարվի այն, ինչ պահանջվում է:

Հիշեցնենք` մայիսի 22-ին ոստիկանների և ցուցարարների միջև բախումը սկսվել էր այն ժամանակ, երբ մի խումբ քաղաքացիներ ոգեկոչելիս են եղել ավելի վաղ ոստիկանների կողմից սպանված 15-ամյա Բերքին Էլվանի հիշատակը: Բախումների ընթացքում ստացած ծանր վիրավորումներից երկու ցուցարար էր մահացել:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: