Մի՞թե չի եկել «բոլորս ալևի ենք» կարգախոսի ժամանակը, ինչպես ասում էինք «բոլորս Հրանտ ենք»

Տարածաշրջան13:12, 23 Մայիս 2014

Մի՞թե չի եկել «բոլորս ալևի ենք» կարգախոսի ժամանակը, ինչպես ասում էինք «բոլորս Հրանտ ենք»

Թուրքիայում ոստիկանների կողմից ալևի ցուցարարի` Քուրթ Ուղուրի սպանությունը հանրային դժգոհության մեծ ալիք է առաջ բերում Թուրքական «Օդա TV» լրատվականի սյունակում հրապարակած իր հոդվածում հեղինակը, դիմելով ձախակողմյան, աշխարհիկ ուժերին ու քրդերին, հարց է բարձրացնում. «Մի՞թե չի եկել «բոլորս ալևի ենք» կարգախոսի ժամանակը: Հոդվածի հեղինակ Մուրթազա Դեմիրն ընդգծում է, որ ալևիների հետ ֆաշիստաբար վարվող թուրքական պետությունը մեկ առ մեկ սպանում է ռեժիմին ընդդիմացող ալևի քաղաքացիներին: Ըստ նրա` երկրի ներսում ալևիները դատապարված են գործազրկության, անհեռանկարության, ասիմիլացիայի: Եվ արդեն բանը հասել է նրան, որ աղոթատնից դուրս եկող ալևի երիտասարդին ոստիկանը կարող է շատ հանգիստ սպանել:

Դեմիրը հիշեցնում է, որ Հրանտ Դինքի սպանությունից հետո բողոքի ցույցերում իրենք ամենից շատն էին բղավում «Բոլորս Հրանտ ենք»:

«Հիմա չո՞ւնենք իրավունք ցանկանալու, որ մեզ հետ և մեր կողքին լինեն ձախակողմյան ուժերը, աշխարհիկության կողմնակիցները, քուրդ եղբայրները ու միասին գոչենք «բոլորս ալևի ենք»: Թե՞ մենք սխալվել ենք կամ խաբվել ենք: Ի՞նչ է, ժողովրդավարությունը, ազատությունը և մարդու իրավուքնները միայն ալևիներին են հարկավոր»,- նշում է հոդվածագիրը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: