Տարածաշրջան11:17, 21 Մայիս 2014
Քուրդ քաղբանտարկյալ. «Մեր մեծերից լսել ենք, որ քրդերը տիրացել են հայերի լքյալ գույքին»
Թուրքիայում քուրդ քաղբանտարկյալ Հաթիփ Դիջլեն իր տեսակետներն է հայտնել
թուրք-քրդական կարգավորման գործընթացի և Հայոց ցեղասպանության հարցում քրդերի
մեղքի մասնաբաժնի վերաբերյալ: Հաթիփ Դիջլեի հետ զրուցել է «Ալ Ջազիրա թուրք»
լրատվականի թղթակիցը:
Թուրքական իշխանությունների նախաձեռնած քրդական հարցի կարգավորման գործընթացը, որի մյուս բանակցող կողմը քրդերի ցմահ բանտարկյալ առաջնորդ Աբդուլլահ Օջալանն է, ըստ Դիջլեի, դեռ երկար ժամանակ կխլի: Նրա համոզմամբ` Թուրքիայի վարչապետն ունի հարցի լուծման ծրագիր, ուղղակի Էրդողանն աշխատում է ժամանակ շահելու վրա, իսկ թե քրդերի համբերությունը որքան կտևի, այդտեղ արդեն լուրջ մտահոգության տեղիք կա:
Անդրադառնալով պատմության անցյալի ողբերգական էջերին` քուրդ քաղբանտարկյալը նշել է, որ քրդերը ևս պատմության հետ առերեսվելու պետք ունեն:
«Մենք` քուրդ քաղաքական գործիչներս և մտավորականներս, դատապարված ենք առերեսվելու անցյալի սև էջերի հետ: Օրինակ` Հաթթայում իրականացված ասորիների կոտորածները մեր պատմության սև էջերից են: Հայոց ցեղասպանության իրականացման մեջ որոշ քրդեր ևս պետության հետ միասին կոտորածներ են իրականացրել: Մեր մեծերից լսել ենք նաև, որ նրանք տիրացել են հայերի լքյալ գույքին և ունեցվածքին»,- խոստովանել է Հաթիփ Դիջել` հավելելով, որ հայերի վիշտը նաև քրդերինն է:
Հաթիփ Դիջլեն նախկինում եղել է «Դեմոկրատական կուսակցությանը», ղեկավար, 1994-ին մի խումբ կուսակիցների հետ ձերբակալվել է ու դատապարտվել 10.5 տարվա ազատազրկման: Երկրորդ անգամ ազատազրկման է դատապարտվել 2009 թվականին և առ այսօր գտնվում է բանտում:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |