ERMENI HABER AJANSI

Թուրք լրագրող Թալեաթ Ուլուսոյը  «Ուրախ և երջանիկ հայ» հոդվածում գրում 1, որ 1915 թվականին հայերի դեմ սկսված բռնությունները շարունակվում են մինչև օրս: Ըստ թուրք հոդվածագրի՝ պատճառն այն է, որ մինչև հիմա  1915 թվականի  մտածելակերպը դեռ շարունակվում է:  Այն, ինչ սկսվել էր 1915-ին, 100-ամյա ծրագիր էր:

«Մարդիկ, որոնք թվում է, թե հասկանում են ոչ մուսլումանների հանդեպ կատարված բռնությունների ծանրությունը , միևնույն է, պատճառաբանություններ են բերում.  հայերն էլ մեր  նկատմամբ են նույնը արել, ինչ եղել Օսմանյան կայսրությունում է եղել, մեր հանրապետությունը մասմաքուր է, 1915-ը իթթիհադականների (երիտթուրքեր) մեղքն է, նախագծի հեղինակները գերմանացիներն են, իթթիահադականները իրագործել են միայն»,- գրում է Ուլուսոյը՝ ընգծելով, որ նման մոtեցումը  մարդկանց ոչ թե ներողություն խնդրելու, այլ պատրվակներ հորինելու ճանապարհով է տանում: Պատրվակներն էլ առևերեսվելու անվան տակ փախչելու, խուսափելու դուռն են բացում:

Հոդվածագիրը նշում է, որ 1915-ին գործի դրված ծրագիրը, ի տարբերություն Հիտլերի կողմից հրեաների ցեղասպանության,  մեծ հաջողությամբ է իրագործվել և 99 տարի է արդիականացվելով շարունակվում է: Որպես օրինակ նշվում է Հրանտ Դինքի սպանությունը, որը ոչ գերմանացիներն էին ծրագրել, ոչ էլ պատահական սպանություն էր, որ հնարավոր լինի Էրգենեքոնի վրա բարդել, այլ իթթիհադականների ծրագրի արդիականացված շարունակությունն է:

Կեղեքիչ և «արդար» օրենքները պարտադրում են, որ Թուրքիայի քաղաքացիները «թուրք» լինեն: Եթե այդ պարտադրանքը ճիշտ կերպով և ամբողջապես կյանքի չկոչվի, տեղի կունենա այն, ինչ 1934 թվականին Թրակայում, 1937-38թթ.-ին՝ Դերսիմում, 1955թ.-ի  սեպտեմբերի 6-7 թալանը,  մայիսի 27-ին, մարտի 12-ին, սեպտեմբերի 12-ին (ռազմական հեղաշրջումներ), իսկ քուրդ ժողովրդի դեմ բոլոր ճնշումները արժանի կհամարվեն…

«Եթե 1915 թվականի հետ առերեսում չլինի, Աստված չանի, դեռ ինչ ցեղասպանություններ, ցնցումներ, կողոպուտներ կլինեն »,-եզրափակում է Ուլուսոյը:

Ermenihaber.am