Էրդողանի օգնականը ծեծի է ենթարկում գետնին ընկած ցուցարարին (լուսանկարներ)

Տարածաշրջան13:26, 15 Մայիս 2014

Էրդողանի օգնականը ծեծի է ենթարկում գետնին ընկած ցուցարարին (լուսանկարներ)

Համացանցում լայնորեն տարածվող ներքոբերյալ լուսանկարները ցույց են տալիս, թե ինչպես է վարչապետ Ռեջեփ Թայիփ Էրդողանի խորհրդական Յուսուֆ Յերքելը ոտքով հարվածում գետնին ընկած մի ցուցարարի: Դեպքը տեղի է ունեցել ածխահանքի ողբերգական վթարի վայրում` Սոմա շրջանում:

«Սի Էն Էն թուրք» լրատվական ծառայությունը տեղեկացնում է, որ «BBC»-ի թղթակիցը զանգահարել է Էրդողանի նշյալ խորհրդականին և փորձել պարզաբանումներ ստանալ: Յուսուֆ Յերքելը հաստատել է, որ համացանցում տարածված լուսանկարներում ինքն է պատկերված և հավելել, որ շուտով հանդես կգա մանրամասնությունները պարզաբանող հայտարարությամբ:

Թուրքական «Ռադիքալ» պարբերականը գրում է, որ Էրդողանի խորհրդականի` Սոմայի ածխահանքում զոհված բանվորների մերձավորներին ծեծի ենթարկող անվայել պահվածքը բարկացրել է հանրությանը: Թուրք պաշտոնյայի գործադրած բռնությանն արձագանքել է նաև արևմտյան մամուլը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: