Վթար` Թուրքիայի Սոմա ածխահանքում. կա 201 զոհ և 80 վիրավոր

Տարածաշրջան06:52, 14 Մայիս 2014

Վթար` Թուրքիայի Սոմա ածխահանքում. կա 201 զոհ և 80 վիրավոր

Թուրքիայի Մանիսա նահանգի Սոմա շրջանում գտնվող մասնավոր մի ընկերության ածխահանքում տեխնածին պայթյունի հետևանքով նախօրեին խոշոր հրդեհ է բռնկվել: Ժամեր անց հայտարարությամբ է հանդես եկել Թուրքիայի էներգետիկայի և բնական պաշարների նախարար Թաներ Յըլդըզը` հայտնելով ածխահանքում աշխատող 151 մարդու մահվան մասին:

Դեպքի վայրում գտնվելիս է եղել ընդհանուր առմամբ 787 հանքագործ:

Նրանցից 76-ը տարբեր աստիճանի մարմնական վնասվածքներ են ստացել: Այնուհետև զոհերի և վիրավորների թիվն ավելացել է` հասնելով համապատասխանաբար 201-ի և 80-ի: Վիրավորների թվում են նաև դեպքի վայրում անհրաժեշտ գործողություններ իրականացնող փրկարարներ: Հրդեհված ածխահանքում փրկարարական աշխատանքներ է իրականցնում 430 մարդ: Նրանց ջանքերով հնարավոր է ածխահանքից դուրս բերել երկու տասնյակ բանվորների: Նախնական տեղեկություններով` վթարված ածխահանքում արգելափակված է մնացել ավելի քան 200 աշխատակից, որոնք վառվելու կամ ծխախեղդ լինելու վտանգի մեջ են:

«Մտահոգություն ունենք, որ զոհերի թիվը կավելանա»,- ըստ թուրքական «Հաբերլեր» կայքի` լրագրողներին ասել է էներգետիկայի նախարարը:

Վերջին տվյալներով` փրկարարներին հաջողվել է աղետի վայրից դուրս բերել ևս 6 հանքագործի, ովքեր շտապ հոսպիտալացվել են: Փրկարարական աշխատանքները շարունակվում են:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: