Թուրքիայի բանակի զինանոցը համալրված է նաև սեփական արտադրության հրթիռներով

Տարածաշրջան08:18, 12 Մայիս 2014

Թուրքիայի բանակի զինանոցը համալրված է նաև սեփական արտադրության հրթիռներով

Թուրքիայի զինված ուժերը սպառազինված են նաև սեփական արտադրության հրթիռային համակարգերով: Պետական «Անադոլու» լրատվական գործակալությունը ցուցադրել է հրթիային համակարգերի լուսանկարները: Տեղեկացվում է, որ օրինակ ցամաքից ցամաք հարվածող «Կայծակ» անվանումով 600 մմ տրամաչափի հրթիռները տեղակայված են անվավոր փոխադրամիջոցի վրա այդ իսկ պատճառով տեղաշարժման ճկուն հնարավորություններ ունեն: Նշվում է, որ «Կայծակ» հրթիռային համակարգերը կազմում են թուրքական բանակի կրակային ուժի կարևոր բաղադրիչներից մեկը: Ի զորու են 80 վայրկյանում արձակել 40 հրթիռ:

Լրատվամիջոցը ներկայացրել է նաև «Սաքարյա» և «Փոթորիկ» հրթիռային համակարգերը, որոնք դարձյալ նախագծվել են թուրք ինժեներների կողմից և արտադրվում են հենց Թուրքիայում: «Սաքարյա» հրթիռային համակարգը ի զորու է հարված հասցնել 3-40 կմ հեռավորության վրա գտնվող թիրախին: Հրթիռները 122մմ տրամաչափի են: Իսկ «Փոթորիկ»-ը 18 վայրկյանում արձակում է 4 հրթիռ և ունի 40-100կմ հեռահարություն:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: