ERMENI HABER AJANSI

Թուրքիայի վիճակագրական ծառայությունը տվյալներ է հրապարակել երկրի տնային տնտեսությունների և ընտանեկան կառուցվածքի մասին: Նախորդ տարվա ուսումնասիրության արդյունքներից պարզվել է, որ Թուրքիայում կա 20 մլն 220.578 տնային տնտեսություն: Նշվածների 8.6 տոկոսը կազմում են մենանդամ ընտանիքները, իսկ միայնակ ծնողներով ընտանիքները` 8.1 տոկոս, որը ավելացել է նախկին 7.8% ցուցանիշի համեմատ:

Գրանցված ընտանիքների 54 տոկոսն այն ընտանիքներն են, որտեղ ամուսիններն ունեն երեխաներ և ապրում են նրանց հետ, իսկ 15.8 տոկոսն այն զույգերի կազմած ընտանիքներն են, որտեղ երեխաներ չկան: Ընտանիքների 13.5 տոկոսում մեկ հարկի տակ ապրում են ավագ, միջին և կրտսեր սերունդների ներկայացուցիչներ: 2013 թվականին արձանագրված ապահարզանների 40.3 տոկոսը տեղի է ունեցել ամուսնական համատեղ կյանքի առաջին 5 տարում, իսկ 21.5 տոկոսը` 6-10 տարում:

Նշենք, որ, ըստ պաշտոնական տվյալների,  2013 թվականի տարեվերջի դրությամբ Թուրքիայի բնակչության թիվը հատել է 76 միլիոնը: Իգական սեռի ներկայացուցիչները կազմում են բնակչության 49.8 տոկոսը,  արական սեռինը` 51.2 տոկոս: 

Ermenihaber.am