Հաննես Սվոբոդա. «Մենք Թուրքիայից ուզում ենք, որ կարգավորի հայկական, կիպրական ու քրդական հարցերը»

Տարածաշրջան07:51, 09 Մայիս 2014

Հաննես Սվոբոդա. «Մենք Թուրքիայից ուզում ենք, որ կարգավորի հայկական, կիպրական ու քրդական հարցերը»

Եվրախորհրդարանի (ԵԽ) սոցիալիստների ու դեմոկրատների խմբի ղեկավար Հաննես Սվոբոդան մասնակցել է Ստամբուլում կազմակերպված «Արդարություն և իրավական պետություն» միջազգային սիմպոզիումին: Նա իր ելույթում մասնավորապես քննադատել է Թուրքիայի դատաիրավական համակարգի անազատ ու կախյալ վիճակը: Նա թուրքական իշխանություններին հորդորել արդարադատորեն լուծել կոռուպցիայի ու կաշառակերության բացահայտված ապօրինությունները: Հասկացնել է տվել, որ իրենք ոչ թե Թուրքիայի թշնամին են ու այդ երկրի վատն են ուզում, այլ ցանկանում են Եվրամիության (ԵՄ) կազմում տեսնել ազատ ու դեմոկրատական Թուրքիա:

«Մենք Թուրքիայից ուզում ենք, որ կարգավորի հայկական, կիպրական ու քրդական հարցերը: Եվ, ի վերջո, ուզում ենք հաղթահարի ճգնաժամը: Էրդողանը լավ քայլեր կատարում է, բայց ինչու է հաճախ նաև հետքայլեր անում: Այս տեսակ քննարկումները Թուրքիայի առաջ կբացեն ճանապարհը դեպի Եվրամիություն: Մենք իսկապես, ի դեմս Թուրքիայի, ցանկանում ենք տեսնել ուժեղ, ժողովրդավարական, դաշնակից երկիր ԵՄ-ի կազմում»,- ըստ «Զաման» պարբերականի` ասել է Սվոբոդան:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: