Ալ-Քաիդայի ահաբեկիչները Թուրքիայում քիմիական զենք են արտադրում

Տարածաշրջան10:51, 09 Մայիս 2014

Ալ-Քաիդայի ահաբեկիչները Թուրքիայում քիմիական զենք են արտադրում

Ալ-Քաիդա ահաբեկչական կազմակերպության ներկայացուցիչները Թուքրիայում քիմիական զենք են արտադրում: Այդ մասին ՄԱԿ-ին հայտնել է Սիրիայի մշտական ներկայացուցիչը: Թուրքիան հասցեագրված նման մեղադրականը սիրիական կողմը փորձել է նաև փաստերով ապացուցել` ՄԱԿ-ի անվտանգության խորհրդին ներկայացնելով համապատասխան տեսաձայնագրություններ:

Ըստ թուրքական «Ջումհուրիյեթ» պարբերականի` սիրիական կողմը դժգոհում է ՄԱԿ-ի` նշյալ խնդրի նկատմամբ դրսևորած անտարբերությունից: Սիրիական պաշտոնական աղբյուրներն ահազանգում են, որ երկիր ներխուժած իսլամիստ ծայրահեղականները Թուրքիայի տարածքներով են իրենց հետ բերում քիմիական զենքեր:

Հիշեցնենք, որ 2013-ի օգոստոսի 21-ին քիմիական զենք էր կիրառվել Դամասկոսի մերձակայքում: Խոսքը մասնավորապես թունավոր զարին գազի մասին է, որը հայտնաբերվել է զոհերի շուրջ 95%-ի մոտ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: