Թուրք ծառայակցի գնդակով սպանված Սևակ Բալըքչըի համար ստորագրահավաք է սկսվել

Տարածաշրջան15:55, 06 Մայիս 2014

Թուրք ծառայակցի գնդակով սպանված Սևակ Բալըքչըի համար ստորագրահավաք է սկսվել

Թուրքիայի Բաթմանի շրջանի զորամասերից մեկում պարտադիր զինվորական ծառայություն անցնող թուրք ծառայակից Քըվանչ Աղաօղլուի զենքից արձակված կրակոցից մահացած հայազգի Սևակ Շահին Բալըքչըի համար change.org կայքում ստորագրահավաք է սկսվել: Ստորագրահավաքին մասնակցելու համար անհրաժեշտ է գնալ այս հղումով՝ http://www.change.org/tr/kampanyalar/yargitay-sevag-i%C3%A7in-adalet-istiyoruz :

Արդարություն Սևակի համար խորագրով անցկացվող ստորագրահավաքի ներքո արված հայտարարության մեջ նշվում է, որ Սևակի ընտանիքը որդու կասկածելի սպանությունը համարում է ցեղասպանության շարունակություն: Նշվում է, որ Սևակի սպանության դատավարությունն անարդարությամբ է ավարտվել:

Հիշեցնենք, որ թուրքիայի քաղաքացի ազգությամբ հայ Սևակ Շահին Բալըքչըն ապանվե է 2011-ի ապրիլի 24-ին Թուրքիայի Բաթման նահանգի Քոզլուքի շրջանի զորամասերից մեկում պարտադիր զինվորական ծառայություն անցնելիս: Սևակը սպանվել է թուրք ծառայակցի կողմից:

Թուրքական դատարանը Սևակի մահը որակել է ծառայակցի կողմից զենքի անվտանգության կանոնները չպահպանելու արդյունքում պատճառած պատահական մահ և Սևակի մահվան մեջ մեղադրվող Քվանչ Աղաօղլուին դատապարտել 4 տարի 5 ամիս ազատազրկման: Սևակի ընտանիքի վճիռը վերանայելու մասին բողոքները այլ դատական ավելի բարձր ատյաններին անարդյունք է անցել:

Նշենք, որ Սևակի ընտանիքը համոզված է, որ Սևակը դիտավորյալ է սպանվել, իսկ սպանության օրվա ընտրությունը պետության ապրիլքսանչորսյան մեսիջն է եղել:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: