Թուրքական իշխանությունները բարիկադավորում են Թաքսիմ հրապարակը, ոտքի է հանվել 39.000 ոստիկան

Տարածաշրջան12:56, 30 Ապրիլ 2014

Թուրքական իշխանությունները բարիկադավորում են Թաքսիմ հրապարակը, ոտքի է հանվել 39.000 ոստիկան

Թուրքիայի Ստամբուլ քաղաքի կենտրոնական Թաքսիմ հրապարակում ակտիվորեն ընթանում են մայիսմեկյան նախապատրաստական աշխատանքները: Կառավարությունը չի արտոնել աշխատավորի տոնը Թաքսիմում հանրահավաքով նշելու համար ներկայացված դիմումը և ձեռնարկել է բարիկադների տեղադրում հրապարակի երկայնքով: Ի պատասխան իշխանությունների այդ պահվածքին` թուրքական մի քանի հասարակական կազմակերպության ներկայացուցիչներից ձևավորված «Մայիսի 1 կոմիտեն» հայտարարել է, որ, չնայած այդ հակաօրինական արգելքին, իրենք լինելու են Թաքսիմում:

Թուրքական «Ջիհան» լրատվական գործակալության տեղեկացմամբ` իշխանությունները դեռևս 1 շաբաթ առաջ են սկսել Թաքսիմում հանրահավաքի կազմակերպումը կանխարգելող միջոցների ձեռնարկումը: Ստամբուլի նահանգապետարանը դիմումի մերժումը պատճառաբանել է անվտանգության նկատառումներով:

Նշվում է, որ մայիսի 1-ին Ստամբուլում խստացված ռեժիմով ծառայության մեջ է գտնվելու 39.000 ոստիկանույան աշխատակից, որոնցից միայն 19.000-ը` Թաքսիմի շրջակայքում: Պատրաստ վիճակում է պահվում 50 ջրցան մեքենա:

Հիշեցնենք, որ 2013-ի ամռանը Թուրքիայում լայնորեն թափ առած հակակառավարական ցույցերի ալիքը մեկնարկել էր հենց Թաքսիմ հրապարակից:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: