2013-ին Թուրքիայում 4 հազարով նվազել է մահացությունների թիվը

Տարածաշրջան14:08, 30 Ապրիլ 2014

2013-ին Թուրքիայում 4 հազարով նվազել է մահացությունների թիվը

Թուրքիայի վիճակագրական ծառայությունը հրապարակել է 2013 թվականի մահացությունների վիճակագրությունը: Ըստ հրապարակված տվյալների՝ 2013 թվականին մահացությունների թիվը Թուրքիայում կազմել է 372.094 մարդ, այն դեպքում, երբ 2012 թվականին այդ թիվը կազմել է 376 հազար: 2013 թվականի մահցածների 55 %-եղել են տղամարդիկ, 45 %-ը՝ կանայք:

Ծերունական մահերի թվով առավել բարձր ցուցանիշներ է արձանագրվել Թուրքիայի արևմտյան նահանգներում, որտեղ արևելյան ու հարավ-արևելյան շրջանների հետ համեմատած տարեց բնակչությունն ավելի մեծ տոկոս է կազմում: Ըստ այդմ՝ ծերունական մահերը առավել մեծ տոկոս են կազմում են Քասթամոնուի, Սինոպի, Չանքըրըյի, Չանաքքալեի շրջաններում: Ծերունական մահերի ամենացածր տոկոսը բաժին է ընկնում Հաքքարիի, Շըրնաքի, Բաթմանի, Մարդինի, Շանլըուրֆայի, Մուշի և Դիարբեքիրի շրջաններին:

Մանկական մահացությունների թիվը ևս նվազել է՝ 2012-ի 11.6%-ից 2013-ին հասնելով 10.8 %-ի: 2012 թվականին մանկական մահացությունների թիվը կազմել է 14.931, իսկ 2013-ին թիվը նվազել է 13.900-ի: Մեկ այլ տվյալով 2013 թվականին ողջ ծնված ամեն 10.000 նորածնից 108-ը մահացել է:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: