Թուրքիայի խորհրդարանի նախագահը ռումինացի պաշտոնակցի հետ խոսել է Հայոց ցեղասպանության խնդրից

Տարածաշրջան08:56, 29 Ապրիլ 2014

Թուրքիայի խորհրդարանի նախագահը ռումինացի պաշտոնակցի հետ խոսել է Հայոց ցեղասպանության խնդրից

Անկարայում հանդիպել են Ռումինիայի խորհրդարանի պատգամավորների պալատի նախագահ Վալերիու Ստեֆան Զգոնեան և Թուրքիայի խորհրդարանի խոսնակ Ջեմիլ Չիչեքը:

Հանդիպման ժամանակ Թուրքիայի խորհրդարանի խոսնակ Ջեմիլ Չիչեքը խոսել է Հայոց ցեղասպանության և հայկական սփյուռքի կողմից ցեղասպանության ճանաչմանն ուղղված աշխատանքների մասին: Չիչեքը ևս խոսել է մնացած թուրք պաշտոնյաների ոճի մեջ՝ ասելով, թե իրենք պատրաստ են առերեսվելու իրենց պատմության հետ և, որ դա պատմաբանների գործն է: Նա կրկին առաջարկել է ստեղծել պատմաբանների ընդհանուր հանձնաժողով՝ ավելացնելով, որ իրենք պատրաստ են ընդհունել նրանց որոշումը:

Ըստ Չիչեքի, եթե երկրները մի կողմ թողնեն պատմաբաններին ու գիտնականներին, և նրանց խորհրդարանները որոշում կայացնեն քաղաքական նկատառումներից ելնելով, ապա որևէ երկիր չի կարող փրկել իրեն սփյուռքի «սևացումից»: Վերջինս Ռումինիայի խորհրդարանին զգայունության կոչ է արել:

Չիչեքը նաև ասել է, որ վարչապետ Էրդողանի ապրիլքսանչորսյան հայտարարությամբ իրենք արտահայտել են իրենց ցավակցությունը: Նա մասնավորապես ասել է. «Մենք արդար և կառուցողական դիրքորոշում ենք որդեգրել: Այժմ հերթը սփյուռքինն է»:

Չիչեքը դժգոհել է նաև ապրիլի 24-ին ռումինական եթերից ցուցադրվող նյութերից՝ ասելով. «Չնայած այդ ամենին՝ Ռումինիայի պետական հեռուստատեսության եթերից ապրիլի 24-ին «միակողմանի» նյութեր են ցուցադրվում, ինչը մեզ լրջորեն անհանգստացնում է:Հավատում ենք, որ Ռումինիայի խորհրդարանը զերծ կմնա Թուրքիան վիրավորող նախաձեռնություններից»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: