Էրդողանի 7 ծրագրային քայլերը` նախագահական ընտրություններին ընդառաջ

Տարածաշրջան08:27, 29 Ապրիլ 2014

Էրդողանի 7 ծրագրային քայլերը` նախագահական ընտրություններին ընդառաջ

Թուրքիայի վարչապետ Ռեջեփ Թայիփ Էրդողանը պատրաստվում է նախագահական ընտրություններին: Դրան ընդառաջ իրականացնելու է 7 ծրագրային քայլ, որոնք առնչվում են ինչպես ներքին , այնպես էլ արտաքին քաղաքականությանը: Նպատակն է նոր բարեփոխումներով մոտենալ նախագահական ընտրություններին և միջազգային հանրության կարծիքի վրա դրական ազդեցություն թողնել:

Այս մասին տեղեկացնող թուրքական «Հաբեր գազեթե» լրատվական կայքը հայտնում է, որ ապրիլի 23-ին Էրդողանի ցավակցական ուղերձն ազդարարում է այդ նախաձեռնությունների սկիզբը:

Ըստ կայքի` Էրդողանը գործողություններ է իրականացնելու ներքոնշյալ 7 ուղղություններով.

Ալևիների աղոթատեղիների հարցը
Հանգուցալուծումը դրանց հոգևոր նշանակության կառույցի կարգավիճակ տալն է: Իշխող «Արդարություն և զարգացում» կուսակցությունը (ԱԶԿ-AKP) այդ հարցի նկատմամբ դիրքորոշումը փոխել է և հնարավոր է, որ խնդիրը կարգավորող օրինագիծ ներկայացվի:

Հոգևոր դպրոցի բացումը
Նշվում է, որ այս հարցում նախապատրաստական աշխատանքները կատարվել են և միայն սպասում են Էրդողանի կարգադրությանը:

Իսրայելի հետ հարաբերությունների կարգավորումը
Սպասվում է, որ մայիսին Թուրքիայն և Իսրայելը «Մավի Մարմարա» նավի դեպքերի փոխհատուցման և Գազայի հատվածին օժանդակություն ցուցաբերելու հարցերում նույնպես համաձայնության կգան: Մոտ ապագայում Իսրայելի և Թուրքիայի դեսպանները նորից կանցնեն իրենց պարտականություններին:

Երկխոսություն Գեզիի ակտիվիստների հետ
Նշվում է, որ վարչապետը հանդիպումներ կունենա ինչպես կառավարությանը քննադատողների, այնպես էլ այն ակտիվիստների հետ, ովքեր կառավարության դեմ են դուրս եկել բնապահպանության նպատակով:

ԵՄ-ի հետ հարաբերությունների նոր փուլ
Էրդողանի ղեկավարած «ԱԶԿ-ն Եվրամիության (ԵՄ) հետ հարաբերություններն ակտիվացնելու նպատակ ունի: Դրա համար էլ Թուրքիայի խորհրդարանի օրակարգ կմտնեն մի շարք օրենքներ, որոնք ԵՄ-ը ողջունում է:

Թափանցիկության մասին օրենքը քաղաքականության ֆինանսավորման տեսանելիության և վերահսկման հնարավորություն է ընձեռում: ԱԶԿ-ն ցանկանում է ծայրամասային շրջաններում 10 տոկոսի ընտրական շեմը իջեցնել:

Նամազ (իսլամական աղոթք) Սրբ. Սոֆիա տաճարում
Սա պահպանողնականների առաջնորդների երազանքն է: Նշվում է, որ նախագահական ընտրություններից առաջ այս հարցում զարգացումներ են սպասվում: Մտածելու տեղիք է տալիս միջազգային հանրության արձագանքը: Եթե անգամ այն չբացվի կրոնական արարողությունների համար, միևնույն է, Ստամբուլի գրավման տոնակատարությունների շաբաթվա ընթացքում Էրդողանը իսլամական պետությունների նախագահների հետ միասին նամազին կանի Սրբ. Սոֆիա տաճարում:

Հիշեցնենք, որ Թուրքիայում նախագահական 12-րդ ընտրություններն անցկացվելու են 2014-ի օգոստոսի 10-ին:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: