Բահչելին Էրդողանին խորհուրդ է տվել լաց լինել ASALA-ի զինյալների համար

Տարածաշրջան10:23, 29 Ապրիլ 2014

Բահչելին Էրդողանին խորհուրդ է տվել լաց լինել ASALA-ի զինյալների համար

Թուրքիայի «Ազգայնական շարժում» կուսակցության նախագահ Դևլեթ Բահչելին շարունակում է քննադատել Թուրքիայի վարչապետ Ռեջեփ Թայիփ Էրդողանին վերջինիս ապրիլքսանչորսյան ուղերձից հետո:

Բահչելին իր ելույթում մասնավորապես ասել է. ««Վարչապետ Էրդողանին խորհուրդ եմ տալիս՝ Տեր-Պետրոսյանին, Քոչարյանին ու Սարգսյանին հարգանքով հիշել, ապա Հայաստանի ներկայիս նախագահի հետ Վանում գրկախառնվել՝ ասելով, որ նա քո եղբայրն է: Դրանից հետո էլ Արևմտյան Հայաստան ձևակերպումներով բոլորի աչքի առաջ հնչակ, դաշնակցական ու ASALA-ի անդամ զինյալների համար միասին լաց լինել: Մեկ է, նույնը Դիարբեքիրում ես արել (նկատի ունի Դիարբեքիրում Էրդողանի կիրառած Քուրդիստան եզրույթը - խմբ.) նման խայտառակության գիտակ ու վարպետ ես»:

Այնուհետև Բահչելին նշել է, որ եթե վարչապետ Էրդողանի ուղերձը դրվի ԱՄՆ նախագահ Բարաք Օբամայի, ուղերձի, քրդերի բանտաևրկյալ առաջնորդ Աբդուլլահ Օջալանի հայ ժողովրդին հղած նամակի կողքին, ապա բացառությամբ մի քանի մանր-մունր դետալների, ըստ նրա, այլ տարբերություններ չեն գտնվի:

«Իմրալըի մարդասպանը (նկատի ունի Օջալանին - խմբ.) 1915 թվականի իրադարձությունների հետ առերեսվելու, դրանք որպես Մեծ եղեռն ընդունելու և հայերի վիշտը կիսելու ցանկություն ունի: Թե՛ Օբաման և թե՛ Էրդողանը նույն ուղղության վրա են»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: