Տարածաշրջան15:00, 23 Ապրիլ 2014
Բասքըն Օրան. «Էրդողանը փորձում է տառապանքների միջև հավասարության նշան դնել, այդպես չի լինի»
Թուրք
գիտնական, գրող, հրապարակախոս Բասքըն Օրանը, ով նաև «Ներողություն ենք խնդրում»
արշավի նախաձեռնողներից է, անդրադարձել է Թուրքիայի վարչապետ Ռեջեփ Թայիփ Էրդողանի
ապրիլքսանչորսյան ուղերձին: Օրանը Էրդողանի հայտարարությունը անվանել է կարևոր, բայց ոչ բավարար:
Գրողն առանձնացրել է հայտարարության մեջ
Էրդողանի ընդգծած ուղերձները.
1. «Օսմանյան կայսրության քաղաքացին տառապել
է, ինչպես և բոլորը»,- մեջբերելով վարչապետի խոսքերը՝ Օրանը, նշում է, որ ճիշտ չէ
հավասարություն դնել տառապանքների միջև: Քանի որ օսմանյան մյուս քաղաքացիները
սպանվել են պատերազմում թշնամու կողմից: Մինչդեռ հայերը 1915-ին սպանվել են սեփական
պետության կողմից: « Այս տեսանկյունից
վարչապետը և՛ ասում է՝ տառապանքները մրցակցության մեջ չդնենք, և՛ փորձում է
հավասարության նշան դնել: Այդպես չի լինի»,- գրում է Օրանը:
2. «Համատեղ պատմության հանձնաժողով ստեղծելու
կոչը դեռ ակտուալ է»:
Այս միտքը մեկնաբանելիս Օրանը գրում է, որ
ժխտողականությունից սկսեցին, նույնիսկ ասում էին, թե իրենց են սպանել, հետո հասկացան, որ այն
անհեթեթություն է: Օրանը խորհուրդ է տվել հայ-թուրքական արձանագրությունները վավերացնել:
Մինչդեռ թուրքերը չեն վավերացրել ու նետել են «աղբարկղ»:
3. «Արխիվները բացել ենք, թող գան»:
Այս ուղերձի մասին Օրանը պարզապես նշել է,
որ արխիվների բացման մասի խոսում են հիմա,
երբ դրանք մաքրվել են: Օրանը ուշադրություն է հրավիրել, որ դեռևս բաց չեն
Թուրքիայի ԶՈՒ գլխավոր շտաբի արխիվները, որն ավելի կարևոր է:
Օրանը վերջում հավելում
է. «Պարոն վարչապետի առաջին անգամ կատարած քայլը դրական է, սակայն այդ մարդկանց վիշտը այնքան մեծ է, որ այս ցավալի
խուսափոխական նախադասություններով հնարավոր չէ մխիթարել»:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |