Թուրքիայի հաջորդ վարչապետի չորս թեկնածուներ

Տարածաշրջան12:03, 21 Ապրիլ 2014

Թուրքիայի հաջորդ վարչապետի չորս թեկնածուներ

Թուրքիայում իշխող «Արդարություն և զարգացում» կուսակցության (ԱԶԿ-AKP) փոխնախագահ Մեհմեթ Ալի Շահինը հանդես է եկել հեռուստաեթերից և խոսել հաջորդ վարչապետի հավանական թեկնածուների մասին:

Շահինն առաջին հերթին հերքել է իր թեկնածության հնարավորությունը, քանի որ նշում է, թե վարչապետի կամ կուսակցության նախագահի հաստիքը զբաղեցնելու ոչ մի ակնկալիք ու նպատակ չունի: Ըստ նրա, եթե ներկայիս վարչապետ Ռեջեփ Թայիփ Էրդողանն առաջադրվի գալիք նախագահական ընտրություններում, ապա հաջողության կհասնի, իսկ Աբդուլլահ Գյուլն էլ, թերևս, զբաղեցնի վարչապետի աթոռը: Շահինը նաև նշել է, որ ներկայումս գործող վարչապետի չորս օգնականներն էլ կարող են վարչապետ լինել: Խոսքը վերաբերում է Բյուլենթ Արընչին, Ալի Բաբաջանին, Բեշիր Աթալային և Էմրուլլահ Իշլերին:

Հիշեցնենք, որ Թուրքիայում նախագահական 12-րդ ընտրություններն անցկացվելու են 2014-ի օգոստոսի 10-ին:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: