ERMENI HABER AJANSI

Թուրքիայի պատմագիտական ընկերությունը ժամանակին հայաբնակ Վան քաղաքում գիտաժողով կանցկացնի ՝ ի պատասխան Հայոց ցեղասպանության  միջոցառումներին: «Հայերը 1-ին համաշխարհային պատերազմում» խորագրով գիտաժողովում գիտնականները կներկայացնեն Հայկական հարցի վերաբերյալ տարբեր մոտեցումներ: Այս մասին հայտնում է թուրքական «Աքշամ» պարբերականը՝ հավելելով, որ գիտաժողովը  կսկսվի ապրիլի 24-ին:  Երկօրյա գիտաժողովի բացմանը ելույթ կունենան Աթաթուրքի համալսարանի պրոֆեսոր Իբրահիմ Էրթեմ Աթնուրը, թուրքական պատմագիտական ընկերության նախագահ պրոֆեսոր  Մեհմեթ Մեթին Հյուլագուն, Աթաթուրքի անվան մշակույթի, լեզվագիտական և պատմագիտական ընկերության նախագահ պրոֆեսոր Դերյա Օրսը:

Կներկայացվեն  զեկույցներ 1-ին համաշխարհայինի ժամանակ կովկասյան ճակատում  հայկական զինված ջոկատների, Վանում հայերի կողմից իրականացված այսպես կոչված ջարդրերի մասին, կներկայացվեն մուսուլման կանանց վկայությունները: Ինչպես նաև կլինեն զեկույցներ, որոնք կներկայացնեն պատերազմի տարիներին արտաքսված հայերի ունեցվածքի հարցում Օսմանյան կառավարության կանոնակարգումները:

Գիտաժողովի թեմաներն են.

1-ին համաշխարհային պատերազմում Բիթլիսի ճակատում ռուս-հայկական դաշինքի դեմ մահմեդական բնակչության դիմադրությունը:

Մարի Քերոլայն Հոլմսի «Ուրֆայում հայկական որբանոցը» վերնագրով ստողծագործության մեջ Ուրֆայի  շրջափակման տարիները և հայ որբերը:

Հայերի արտաքսման և ունեցվածքի առգրավմանը նախորդող Զեյթունը դեպքերը՝ ըստ բողոքական եկեղեցու Զեյթունի քահանա Տիգրան Անդրեասյանի:

1-ին համաշխարհային պատերազմի  տարիներին հայ ֆիդայինների «ահաբեկչական» գործողությունները հայկական աղբյուրներում:

Հայկական հարցի լուծումը՝ առաջարկված «Միություն և առաջադիմություն» կուսակցության կառավարության  պաշտոնաթերթը համարվող Թանին պարբերականի կողմից:

1-ին համաշխարհային պատեազմի ընթացքում Ռուսաստանի հայկական քաղաքականությունը:

Ermenihaber.am