ERMENI HABER AJANSI

16  հայտնի սփյուռքահայ նամակ են հղել թուրք ժողովրդին: Թուրքիայում հրապարակվող երկլեզու «Ակոս» շաբաթաթերթը նշում է, որ Հայոց ցեղասպանության ճշմարտություններից մեկն էլ այն է, որ փրկվածները ցրվել են աշխարհով մեկ: Եվ այժմ Ակոսը «Եթե Թուրքիայի ժողովրդին նամակով դիմեք, ի՞նչ կցանկանաք ասել» հարցով  դիմել է այդ փրկվածների թոռներին, ում արմատները Մարաշից են, Ադըյամանաից, Արաբկիրից, Դերսիմից, Վանից, Դիրաբեքիրից, Մերսինից, Էրզրումից, Թոքաթից, Ուրֆայից, սակայն ապրում են Տորոնտոյում, Ստոկհոլմում, Լոս Անջելեսում, Բեյրութում, Մարսելում, Նյու Յորքում, Փարիս, Բուենոս Այրեսում, Քուվեյթում, Հալեպում:

Հայտնի ռոք երաժիշտ, ամերիկյան «System of a Down» ռոք խմբի անդամ Սերժ Թանկյանը նամակում շնորհակալություն է հայտնել, Թուրքիայում բոլոր այն հրաշալի մարդկանց, ովքեր իր հետ կիսվել են իրենց պատմություններով և հույս են ներշնչել, որ իրենց շնորհիվ կարելի է համաձայնության գալ  ճշմարտության և արդարության շուրջ: Իսկ թուրք ժողովրդին ցանկացել է, որ իսկապես կարողանան իրենք իրենց վերագտնեն:

Ծնունդով Կահիրեից հայտնի կանադացի ռեժիսոր Ատոմ Էգոյանը նշել է, որ հոգնել է թուրքական իշխանությունների ատելությամբ լեցուն ժխտողականությունից, հոգնել է կյանքը շարունակելու անհնարինությունից:  Սակայն, երբ դրա դիմաց այլընտրանք է տեսնում, այլ հնար չի մնում, քան ընդունել այց հոգսը:

Ամերիկաբնակ Նենսի Գրիգորյան, ով հեղինակել է Հայող ցեղասպանությունից փրկված կնոջ մասին պատմող «Զաբել» վեպը, թուրքերին ուղղված իր նամակում նշում է, որ ներողության խոսքեր չի ուզում լսել:
«Ներողություն չեմ ուզում: Միայն այս հարցի պատասխանն եմ ուզում. Ի՞նչ նպատակի է ծառայում այն, որ շարունակում եք հայերին զրկել հարգանքից, հավասարության իրավունքից և արդարությունից», - գրված է Գրիգորյանի նամակում:

«Ակոսը» նշում է, որ բոլոր նամակները կտպագրվեն այս շաբաթվա համարում:

Ermenihaber.am