Թուրքիայում արտադրվելու են մարտագլխիկներ և ավիացիոն ռումբեր

Տարածաշրջան10:08, 18 Ապրիլ 2014

Թուրքիայում արտադրվելու են մարտագլխիկներ և ավիացիոն ռումբեր

Թուրքիայի գիտարդյունաբերական տեխնոլոգիայի հարցերով նախարար Ֆիքրի Ըշըքը հայտարարել է, որ երկրում շուտով կմեկնարկի ժամանակակից մարտագլխիների արտադրության գործընթացը: Այս տարի նախատեսվում է ռազմական նշանակության այդ արտադյունաբերական կենտրոնի բացումը, րտեղ արտադրվելու են մարտագլխիկներ և ավիացիոն ռումբեր:

«Դա նշանակալի ձեռքբերում կլինի Թուրքիայի ռազմարդյունաբերության համար, և երկիրը զգալիորեն կազատվի այդ հարցում արտերկրից ունեցած կախվածությունից»,- ասել է նախարար Ըշըքը:

Ռազմարդյունաբերական այդ նոր ճյուղի նախագծումն ամբողջությամբ իրականացրել են «Թուրքիայի գիտական և տեխնոլոգիկական հետազոտությունների խորհրդի» (TÜBİTAK) ինժեներները: Նախարարը «Անադոլու» լրատվական գործակալության թղթակցի հետ զրույցում նշել է, որ սակավաթիվ պետություններ ունեն արտադրական այդօրինակ տեխնոլոգիաներ:

Ռազմարդյունաբերական հաստատությունը հիմնվելու է Թուրքիայի կենտրոնական նահանգ Քըրըքքալեի տարածքում, բաղկացած է լինելու 11 առանձին արտադրամասից, տարեկան ունենալու է 600 տոննա պլաստիկ պայթուցիկ նյութերի արտադրական ծավալ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: