Բինգյոլի հայկական գերեզմանոցի տեղում թուրքերը ջրամբար են կառուցում (լուսանկարներ)

Տարածաշրջան08:07, 18 Ապրիլ 2014

Բինգյոլի հայկական գերեզմանոցի տեղում թուրքերը ջրամբար են կառուցում (լուսանկարներ)

«Ermenihaber» լրատվականի ընթերցողներից Սեդաթ Բիրոլը կայքի խմբագրությանը հայտնել է, որ Թուրքիայի Բինգյոլ նահանգի (Բյուրակն) Յայլադերե գավառում հայկական գերեզմանոցում հորատումներ են կատարվում: Բիրոլը նաև փաստն արձանագրող լուսանկարներ է ուղարկել:

Հորատման աշխատանքներն իրականացվում են զինվորականների կողմից, պատճառաբանությունն այն է, թե ջրամբար է կառուցվում: Այժմ մարդկանց աճյունների ոսկորները դուրս են եկել հողի մակերես: Բիրոլը նշել է, որ իրենք ակնկալում են հնէաբանների միջնորդությունը: Հարկ է, որ նրանք դատապարտեն կատարվածը և կոչ անեն դադարեցնել այդ աշխատանքները:

«Ermenihaber»-ի հարցին՝ արդյո՞ք դիմել են որևէ պատկան կառույցի, Բիրոլը պատասխանել է, որ խնդրի մասին տեղեկացվել է Բինգյոլի պատգամավոր Իդրիս Բալուքեին: Վերջինս հայտնել է, որ կդիմեն Մարդու իրավունքների եվրոպական դատարան (ՄԻԵԴ):

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: