Թուրքիայում ծնելիությունը նվազել է

Հասարակական10:12, 16 Ապրիլ 2014

Թուրքիայում ծնելիությունը նվազել է

«Թուրքիայի Վիճակագրական խորհրդի տվյալներին նայելով` կարող ենք ասել, որ վարչապետ էրդողանի «ամենաքիչը 3 երեխա» պահանջը քաղաքացիների կողմից անտեսվել է»,- գրում է թուրքական «Սոնդաքիքա» լրատվական կայքը:

Ըստ աղբյուրի` Թուրքիայի վիճակագրական խորհուրդը հրապարակել է տվյալներ, որոնք փաստում են , որ Թուրքիայում ծնելիությունը նվազել է 0.3 %-ով:

Այն դեպքում, երբ 2012 թվականին ծնվել է 1 միլիոն 286 հազար 828 երեխա, 2013-ին երկրում նորածինների թիվը կազմել է 1 միլիոն 283 հազ 62: Ի դեպ 2013 թվականին ծնված երեխաների 51%-ը տղաներ են, իսկ 49%-ը` աղջիկ:

Նշենք, որ Թուրքիայի վիճակագրության ինստիտուտի (TurkStat)»-ի կողմից ավելի վաղ հրապարակված տվյալների համաձայն` երկիրը «ծերանում է», այսինքն երկրում շարունակաբար նվազում է մինչև 17 տարեկան անձանց թիվը:
«Թուրքիայի վիճակագրության ինստիտուտի» հաշվարկներով` արդեն 2023 թվականին Թուրքիայում մինչեւ 17 տարեկանների թիվը կկազմի 20 տոկոս` ընդհուպ մոտենալով եվրոպական երկրների ծնելիության ցուցանիշներին: Այդ պատճառով էլ Թուրքիայի վարչապետ Ռեջեփ Թայիփ Էրդողանը պատեհ, թե անպատեհ առիթի դեպքում թուրքերին կոչ է անում առնվազն 3 երեխա ունենալ:

Ermenihaber.am