Թուրքական բանակում հայ ու ալևի սպաներին համարակալում են

Տարածաշրջան09:05, 16 Ապրիլ 2014

Թուրքական բանակում հայ ու ալևի սպաներին համարակալում են

Թուրքիայի ռազմածովային ուժերի հրամանտարության ենթակայության տակ գտնվող Գյոլջուքի գլխավոր ռազմաբազայի 4 սպա հաշվառել են բազմաթիվ սպաների ու ենթասպաների՝ հիմք ընդունելով նրանց դավանաբանական տարբերությունները, ընթերցած թերթերը, մասնակցած միջոցառումները: Այս մասին հայտնի է դարձել այն բանից հետո, որ ինֆորմացիայի արտահոսք է տեղի ունեցել:

Ինչպես տեղեկացնում է թուրքական «Ջումհուրիյեթ» թերթը ձեռք բերված ցուցակում նշված են համարակալված զինծառայողների զինվորական աստիճանը, անուն և ազգանունը և բնութագրական մի շարք հատկանիշներ: Հատկապես աչքի են զարնում այնպիսի տարբերակումներ, ինչպիսիքն են օրինակ բաժանումը` ըստ էթնիկ պատկանելիության (ալևի, հայ) կամ դավանաբանական հատկանիշների (այցելություն ալևիների սրբատեղի կամ մասնակցություն բեկթաշիների միջոցառումների): Թերթն օրինակներ է բերում այդ բացահայտված ցուցակից: Այսպես` «Ավագ սերժանտ Ս.Յ.-ն ալևի է, մասնակցել է բեկթաշիների միջոցառումներին, նրան կարելի շահագործել՝ հաշվի առնելով նրա ֆինանսական վիճակը: Իսկ ավագ սերժանտ Է. Թ.-ն հայ է, խորհուրդ է տրվում նրան նախ դաստիարակել և ապա նոր օգտագործել:

Նշվում է, որ խնդրով արդեն զբաղվում է Թուրքիայի զինված ուժերի (ԶՈւ) գլխավոր շտաբը, իսկ հատուկ հաշվառման ենթարկված վերոնշյալ անձինք դիմել են ռազմական և քաղաքացիական ատյաներ` բացահայտելու իրենց նկատմամբ կատարված անօրինականությունը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: