Տարածաշրջան14:20, 15 Ապրիլ 2014
Թուրքիայի խորհրդարանի խոսնակ. «Հայկական հարցը բեռ է դառնում թուրք-ամերիկյան հարաբերությունների վրա»
Թուրքիայի Ազգային մեծ ժողովի նախագահ Ջեմիլ Չիչեքը հանդիպել է Թուրքիա այցելած ԱՄՆ կոնգրեսի ներկայացուցիչների պալատի նախագահ Ջոն Բեյների հետ:
Ըստ թուրքական «Անադոլու աժանսը» լրատվական գործակալության՝ հանդիպման ժամանակ տարածաշրջանային կոնֆլիկտների քննարկման հետ մեկտեղ անդրադարձ է եղել նաև հայկական հարցին: Թուրքիայի խորհրդարանի նախագահ, Ջեմիլ Չիչեքը խոսելով այս թեմայով, ասել է, որ ԱՄՆ սենատում մեկը մյուսի հետևից քննարկվող հայկական օրինագծերն ու բանաձևերը զուգադիպում են իրենց համար ծանր այս ժամանակահատվածին: Շարունակելով թեման՝ Չիչեքն ասել է. «Կարծում եմ, որ Հայկական հարցն ու Հայոց Ցեղասպանությունը այս երկրին ուղղված ամենամեծ զրպարտանքն է: Այն մեր հարաբարությունների վրա մեծ բեռ է դառնում: Ամեն տարի ապրիլ ամսվա մոտենալուն պես այդ թեման մեր հարաբերություններում ճգնաժամային մթնոլորտ է ստեղծում»:
Չիչեքն ավելացրել է նաև, որ իրենք բոլոր
մակարդակներով հայտարարել են, թե այդ թեման ինչքան կարևոր է իրենց երկրի համար:
Թուրք պաշտոնյան որպես հակակշիռ խոսել է «ԱՍԱԼԱ»-ի
մասին, ասելով, որ ինքը խոսում է այդ կազմակերպութան պատճառով հարազատ կորցրած
ընտանիքի անունից: Այնուհետև ավելացրել, որ այդ թեման չէր ցանկանա քննարկել, քանզի
դա հակասում է նաև իրենց հյուրասիրությանը, սակայն ստիպված է դա անում, որովհետև
զոհված թուրքերի հոգիներն էլ կցանկանային, որ այս թեման օրակարգ գար:
Շարունակելով խորհրդարաններում Հայոց
ցեղասպանության ճանաչմանն ուղղված բանաձևերի քննարկման թեման` Չիչեքն ասել . «Խորհրդարանները
պետք է ներկան ու ապագան կերտեն, իսկ պատմությունը պետք է թողնենք պատմաբաններին:
Մենք պատրաստ ենք առերեսվելու մեր պատմության հետ: Թող պատմաբաններն ու
գիտնականները ուսումնասիրեն այդ թեման: Մենք պատրաստ ենք ընդունել արդյունքները:
Սակայն երբ խորհրդարանները սկսում են պատմության հետ կապված որոշումներ ընդունել,
դա խանգարում է խաղաղությանը, բարեկամությանն ու երկկողմ հարաբերություններին»:
Ermenihaber.am
Այս ենթաբաժնի վերջին նորությունները
Հեռախոսազրույց են ունեցել Թուրքիայի ու Ադրբեջանի արտգործնախարարները:
Դիարբեքիրի նահանգում գտնվող նավթահորի պայթյունը, նախնական տվյալներով, գրանցվել է գազի արտահոսքի պատճառով:
Սկզբում տարեկան կմատակակարվի 1.2 մլրդ խմ գազ Հալեպ և Հոմս քաղաքներում տեղակայված էլեկտրակայաններին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Խմբի ղեկավար, լուսանկարիչ Ֆարուք Աքբաշը Հայաստանից արված լուսանկարների շարք է հրապարակել:
Որպես հիմնավորում նշվել է, որ «Վերադարձ» ֆոլկ խմբին արգելվում է ելույթ ունենալ «ահաբեկչության քարոզչության» համար։
Դիարբեքիրի նահանգում գտնվող նավթահորի պայթյունը, նախնական տվյալներով, գրանցվել է գազի արտահոսքի պատճառով:
Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել:
Հեռախոսազրույց են ունեցել Թուրքիայի ու Ադրբեջանի արտգործնախարարները:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |