Տեսանյութ, թե ինչպես են ահաբեկիչները Թուրքիայից ներխուժում Քեսաբ

Տարածաշրջան10:51, 11 Ապրիլ 2014

Տեսանյութ, թե ինչպես են ահաբեկիչները Թուրքիայից ներխուժում Քեսաբ

Թուրքական «Չափուլ» կայքում հայտնվել է, մի տեսանյութ (դիտել՝ այստեղ), որը ցույց է տալիս, թե ինչպես են իսլամիստական խմբավորումները անարգել հատում թուրք-սիրիական սահմանը:

Տեսանյութում թուրքերեն գրված վազող տողերով մանրամասներ են ներկայացվում.

1. Ջիհադական ավազակախմբերը Յայլադաղի սահմանակետից հանգիստ անցնում են Սիրիայում գտնվող Քեսաբ:

2. Google Earth-ից Յայլադաղի սահմանակետը , որտեղից անցել են ջիհադական ավազակախմբերը:

3. Միջազգայնորեն ճանաչված սահման:

4. Սիրիական կողմի մուտքի մոտ տեղադրված ցուցանակ, որի վրա գրված է. «Բարի գալուստ Սիրիայի արաբական հանրապետություն»:

5. Նկարահանող անձը խոսում է Քեսաբի վրա հարձակում իրականացրած «Էնսար ուշ-Շամ», «Էլ Նուսրայի ճակատի» և «Դամասկոսի իսլամական շարժում» ջիհադական խմբավորումների մասին:

Տեղեկացնենք, որ Թուրքիայի «Մարդու իրավունքների միություն»-ը (ՄԻՄ) քեսաբյան դեպքերի մասին զեկույց է պատրաստել, որ մեջ մասնավորապես ասված է. «Այս պահին Քեսաբից արյան ու վառոդի հոտ է գալիս: Մարդկանց դիակներ կան, վայրենություն կա: Լսվում են մարդասպանների քրքիջները, «Ալլահ Աքբար» վանկարկումները: Այս պատերազմի և կոտորածի հեղինակները Թուրքիայի սահմանից են զենքերով, տանկերով և հրթիռներով մտել Քեսաբ` թուրք սահմանապահների աչքի առաջ»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: