ERMENI HABER AJANSI

Թուրքական «Անադոլու» լրատվական գործակալության անգլերեն բաժնի 2 անգլիացի խմբագիրները հայտարարել են, որ գործակալությունը շիտակ և ճիշտ լրագրություն չի անում: Քեյթ Սալիվանը և Լորա Բենիտեսը հեռացել են «Անադոլու»-ից դեկտեմբերի 17-ի կոռուպցիոն սկանդալից հետո առաջացած անհամաձայնությունների պատճառով:

Թուրքական «Հաբերդար» լրատվական կայքը հայտնում է, որ անգլիացի լրագրողները vice.com կայքին պատմել են թուրքական լրատվականում ունեցած իրենց աշխատանքային գործունեության մասին:

Նրանք հայտնել են, որ Թուրքիայի առաջատար գործակալություններից մեկը եղել է իշխող «Արդարություն և զարգացում» կուսակցության խամաճիկը: «Անադոլուում կարճ ժամանակ հետո հասկացնաք, որ մենք դարձել ենք լուրերը անգլերեն լեզվով  իշխանությանը ցանկալի կերպով մատուցող անձինք»,- նշել են «Անադոլու»-ի նախկին խմբագիրները:

Ըստ նրանց՝ «Անադոլու»-ում եղել են արգելված թեմաներ, որոնցից էր նաև Հայոց ցեղասպանությունը:

Օտարերկրյա թղթակիցներին պարտադրվել են հետևալ օրենքները.

• Հայոց ցեղասպանությանը երբեք չանդրադառնալ:
  
  
• Անգլիացի ջիհադականները Սիրիա Ստաբուլով չեն անցնում:
  
  
• Ռուսաստանին պետք է քննադատել Սիրիայի վարչակարգին ֆինանսական օգնություն ցուցաբերելու համար, սակայն քննադատությունը պետք է չափավոր լինի, քանի որ ռուսներին չեն սիրում, սակայն նրանց գազն ու նավթը սիրում են:

Քեյթ Սալիվանը և Լորա Բենիտեսը հավելել են նաև, որ Թուրքիայում հեռուստատեսությունը հիմնականում պետության ազդեցության տակ է, իսկ ընդդիմադիր փոքրաթիվ հեռուստաալիքների հեռարձակման արտոնագիրն ամեն րոպե կարող են վերցնել:

Ermenihaber.am