Զեկույց. Թուրքիայի իշխանություններն ավտորիտար հակումներ ունեն

Տարածաշրջան07:21, 08 Ապրիլ 2014

Զեկույց. Թուրքիայի իշխանություններն ավտորիտար հակումներ ունեն

Թուրքիայի Եվրամիությանն անդամակցելու գործընթացին հետևելու նպատակով ձևավորված «Իմաստունների խումբը» Ստամբուլում հրապարակել է Թուրքիայի վերաբերյալ պատրաստած իր զեկույցը, համաձայն որի, ներքին բախումների և բևեռացման պատճառով երկրում լրջապես վտանգված է ժողովրդավարացման գործընթացը:

«Իմաստունների խումբը» իրականում իրենից ներկայացնում է անկախ հանձնաժողով` ստեղծված «Բաց հասարակություն» հիմնադրամի աջակցությամբ: «Թուրքիան Եվրոպայում. փոփոխության անխուսափելիություն» վերտառությամբ զեկույցում հանձնաժողովը մտահոգություն է հայտնում, որ Թուրքիայում խիստ բևեռացված հակամարտություններ կան իշխանությունների և տարբեր քաղաքական ուժերի միջև: Նշվում է, որ Թուրքիայում փաստացիորեն կիսատ են մնացել ժամանակին մեկնարկված բարեփոխումները: Զեկույցի «քաղաքական ռեֆորմներ» բաժնում քննադատական դիտողություններ կան այն մասին, որ թուրքական իշխանությունները ավտորիտար հակումներ են ցույց տալիս: Ընդգծվում է վերջին տարիներին Թուրքիայում նկատվող խոսքի ազատության սահմանափակման դրսևորումների աղետալի վիճակը: Բերվում է հետևյալ օրինակը, եթե 2005թ. ազատ արտահայտվելու պատճառով բանտարկված լրագրող չկար, ապա 2013-ին երկաթե ճաղերի ետևում կար 40 լրագրող:

Նշենք, որ այդ անկախ հանձնաժողովի կազմում ընդգրկված են եվրոպացի նախկին պետական ու քաղաքական գործիչներ, ինչպես օրինակ` Ֆինլանդիայի նախկին նախագահը, Իտալիայի, Հոլանդիայի և Մեծ Բրիտանիայի նախկին արտգործնախարարները, Ֆրանսիայի նախկին վարչապետը, Եվրախորհրդի նախկին քարտուղարը և այլք:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: