Հետընտրական բախումներ Թուրքիայի քրդաբնակ շրջաններում

Տարածաշրջան09:23, 07 Ապրիլ 2014

Հետընտրական բախումներ Թուրքիայի քրդաբնակ շրջաններում

Հետընտրական կրքերն ու լարվածությունը դեռ տեղ-տեղ շարունակվում են հարևան Թուրքիայում: Հարավ-արևելյան Շըրնաքի նահանգի Ջիզրե շրջանի մի շարք քրդաբնակ բնակավայրերում զանգվածային անկարգություններ ու բողոքի ակցիաներ են տեղի ունեցել:

Թուրքական «Դողան» լրատվական գործակալության տեղեկացմամբ` Ջիզրեում նախօրեի երեկոյան քրդական «Խաղաղություն և ժողովրդավարություն» կուսակցության (ԽԺԿ) նախաձեռնությամբ կազմակերպվել է ընտրության արդյունքների դեմ բողոքի հանրահավաք: Ցուցարարները գող են անվանել վարչապետ Ռեջեփ Թայիփ Էրդողանի ղեկավարած «Արդարություն և զարգացում» կուսակցությանը (ԱԶԿ) և կառավարությանը:

Նրանք մամուլի համար հայտարարություն են արել, ապա նստացույց արել: Այնուհետև փորձել են փակել Նուսայբին փողոցի երթևեկությունը, ինչի համար էլ միջամտել են ոստիկանները: Տեղի է ունեցել բախում: Մինչև ուշ գիշեր ցուցարարների ու ոստիկանների զանգվածային ընդհարումները շարունակվել են: Ուժայինները ցուցարարների դեմ կիրառել են ջրցան մեքենաներ և գազային նռնակներ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: