Գյուլը վարչապետ է դառնալու այն սցենարով, որով ժամանակին Էրդողանն է դարձել

Տարածաշրջան09:40, 05 Ապրիլ 2014

Գյուլը վարչապետ է դառնալու այն սցենարով, որով ժամանակին Էրդողանն է դարձել

Թուրքական մամուլում տեղեկություններ են շրջանառվում այն մասին, թե ինչ ձևաչափով է տեղի ունենալու ներկայիս նախագահ Աբդուլլահ Գյուլի և վարչապետ Ռեջեփ Թայիփ Էրդողանի միմյանց պաշտոններում փոխարինելու գործընթացը: Նշվում է, որ իշխանական «Արդարություն և զարգացում» կուսակցության կուլիսային խոսակցությունների համաձայն`Բայբուրթի նահանգից ընտրված ԱԶԿ-ական պատգամավորը միտումնավոր հրաժարական է տալու: Պատգամավորի թափուր տեղի համար թեկնածու է առաջադրվելու Գյուլը: Խորհրդարան մտնելուց հետո Գյուլը կնշանակվի կառավարության ղեկավար:

Հիշեցվում է, որ 2002-ին նույն մարտավարությունը կիրառվել է Էրդողանին պատգամավոր ընտրվելու, այնուհետև վարչապետ նշանակվելու համար: Շիիրթի պատգամավորն Էրդողանի համար հրաժարական տվեց, վերջինս այդ թափուր տեղով մտավ խորհրդարան և նշանակվեց կառավարության ղեկավար:

Ըստ ենթադրյալ պլանների` 2014-ի օգոստոսին կայանալիք նախագահական ընտրություններում ԱԶԿ-ի առաջադրած թեկնածուն լինելու է Էրդողանը: Վերջինս 51 տոկոս ձայն հավաքելով, ընտրվելու է հանրապետության նախագահ, իսկ Աբդուլլահ Գյուլն էլ փոխարինելու է Էրդողանին կուսակցության ղեկավարի պաշտոնում:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: