Ռուսաստանի զգուշացումը Թուրքիային. խախտվում է Մոնտրոյի պայմանագիրը

Տարածաշրջան16:00, 03 Ապրիլ 2014

Ռուսաստանի զգուշացումը Թուրքիային. խախտվում է Մոնտրոյի պայմանագիրը

Ռուսաստանի արտաքին գործերի նախարար Սերգեյ Լավրովը հայտարարել է, որ Թուրքիան, խախտում է Բոսֆորի նեղուցով ոչ սևծովյան առափնյա երկրների ռազմանավերի անցման կարգը և Սև ծովում գտնվելու ժամկետները, որոնք նախատեսված են Մոնտրոյի պայմանագրով:

Ղազախստանի արտգործանախար Երլան Իդրիսովի հետ համատեղ մամլո ասուլիսի ժամանակ Լավրովը խոսել է այն մասին, որ ամերիկյան «USS Truxtun» ռազմանավը մարտի 7-ին անցնելով Բոսֆորի նեղուցը մուտք է գործել Սև ծով, սակայն մեկ շաբաթը լրանալուց հետո ռազմանավի Սև ծովում մնալու ժամկետը երկարաձգվել է մինչև մարտի 21-ը:

Ռուս նախարարը հիշեցրել է, որ Մոնտրոյի պայմանագրի համաձայն առափնյա պետություն չհանդիսացող ԱՄՆ-ի ռազմանավը Սև ծովում պետք է մնար մեկ շաբաթից ոչ ավել:

Ըստ թուրքական «Ռադիկալի» նման խնդիր առաջացել է նաև ռուս-վրացական 5-օրյա պատերազմի ժամանակ, երբ ԱՄՆ-ի ռազմանավերը մուտք էին գործել Սև ծով: 2008-ին էլ Լավրովը նամակով դիմել էր Թուրքիայի այն ժամանակվա արտգործնախարար Ալի Բաբաջանին:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: