Թուրքիան փորձում է նմանվել ժողովրդավարական պետության, բայց գարշահոտություն ունի

Տարածաշրջան14:03, 03 Ապրիլ 2014

Թուրքիան փորձում է նմանվել ժողովրդավարական պետության, բայց գարշահոտություն ունի

Թուրքիան այն երկրներից է, որը փորձում է նմանվել ժողովրդավարական պետության, բայց գարշահոտություն ունի: Նման տեսակետով է հանդես եկել «Times» պարբերականի հոդվածագիր Դեյվիդ Արոնովիչը: Վերջինս, բացելով փակագծերը, պարզաբանում է, թե ինչ է նշանակում «գարշահոտություն արձակող պետություն» հասկացությունը:

«Այդպիսին են համարվում այն երկրները, որտեղ քվեարկելու իրավունք է տրվում, բայց ընդդիմադիրների հետ դաժանաբար են վարվում և բոլոր խնդիրների մեջ մեղադրում են օտար ուժերին»,- ըստ թուրքական «Հյուրրիեթ» պարբերականի` գրում է Արոնովիչը:

Որպես օրինակ` հոդվածի հեղինակը մատնանշում է Ռուսաստանի Դաշնությանը (ՌԴ) և Իրանի Իսլամական Հանրապետությանը (ԻԻՀ): Ըստ նրա` նշյալ կեղծ ժողովրդավարական երկրների շարքերը համալրելու ճանապարհին է նաև Թուրքիան: Հոդվածագիրը հիշեցնում է, որ իշխանության գալու առաջին տարիներին Թուրքիայի ներկայիս իշխանությունները իրենց կատարած քայլերով իսկապես հայտնվել էին լիբերալ-ժողովրդավարական ճանապարհին: Բայց վերջին 2 տարվա ընթացքում հակառակ ուղղություն են բռնել. սկսել են սահմանափակել խոսքի ազատությունը, պատերազմ են հայտարարել սոցմեդիային և այլն:

«Կեղծ դեմոկրատները փորում են սեփական գերեզմանները»,- Մարքսի խոսքերով եզրափակում է հոդվածի հեղինակը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: