Աբդուլլահ Գյուլը չի բացառել, որ հետագայում կարող է պաշտոնավարել որպես վարչապետ

Տարածաշրջան07:35, 03 Ապրիլ 2014

Աբդուլլահ Գյուլը չի բացառել, որ հետագայում կարող է պաշտոնավարել որպես վարչապետ

Թուրքիայի նախագահ Աբդուլլահ Գյուլը պաշտոնական այցով Քուվեյթում գտնվելու ժամանակ հանդիպում է ունեցել լրագրողների հետ և պատասխանել նրանց հարցերին: Ի թիվս այլ հարցերի` Գյուլը խոսել է նաև առաջիկա նախագահական ընտրությունների ու տրամադրությունների մասին:

Ինչպես հայտնում է թուրքական «Հյուրրիյեթ» պարբերականը, Թուրքիայի նախագահը նշել է, որ արդեն եկել է ժամանակը վարչապետ Ռեջեփ Թայիփ Էրդողանի հետ քննարկելու իրենց անելիքները 2014-ի օգոստոսին կայանալիք նախագահական ընտրություններում: Չբացառելով այն, որ ինքը կարող է պաշտոնավարել որպես վարչապետ` Գյուլը վստահեցրել է, որ ինքն ու Էրդողանը միմյանց հաստատ անակնկալի չեն բերելու ոչ մի գործողությամբ:

«Իսկ թե երբ պարզ կլինի ամեն բան, ապա կասեմ, որ դա կլինի ապրիլի վերջին կամ մայիսի սկզբին: Նախքան նախագահական ընտրությունները Էրդողանի հետ մենք կքննարկենք և կորոշենք` ինչ անել, ինչպես անել: Ամեն դեպքում մայիսի կեսերին ամեն բան հստակեցված կլինի»,- նշել է Աբդուլլահ Գյուլը:

Լրագրողի հարցին, թե հնարավոր է, որ Գյուլը դառնա վարչապետ, վերջինս պատասխանել է. «Նախապես ոչինչ չեմ ասի: Այդ ամենը կքննարկենք, կտեսնենք»:

Անդրադառնալով Թուրքիայում Twitter-ի և YouTube-ի արգելափակամանը`նախագահ Գյուլն անհրաժեշտ է համարել, որ վերացվի նշյալ սոցկայքերի վրա սահմանված արգելքը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: