Թուրքիայում YouTube-ի արգելափակման պատճառաբանությունը հիմա էլ կապվում է Աթաթուրքի անվան հետ

Տարածաշրջան10:19, 02 Ապրիլ 2014

Թուրքիայում YouTube-ի արգելափակման պատճառաբանությունը հիմա էլ կապվում է Աթաթուրքի անվան հետ

Թուրքիայում երբ արգելափակվեց հանրահայտ YouTube վիդեոկայքը, իշխանական այրերը հանրությանը պարզաբանեցին, թե դա արվել է ազգային անվտանգության նկատառումներով: Իսկ պատճառն այն էր, որ YouTube-ի միջոցով համացանցում տարածվել էր Թուրքիայի արտգործնախարարությունում կայացած հույժ գաղտնի խորհրդակցության գաղտնալսված ձայնագրությունը: Այդ ձայնագրությունից պարզ էր դարձել, որ Թուրքիայի արտգործնախարարը, հետախուզության պետը, ԶՈւ գլխավոր շտաբի պետի տեղակալը և փոխարտգործնախարարը քննարկել են Սիրիա ներխուժման պլանի հնարավոր տարբերակները:

Հիմա, երբ Թուրքիայի կառավարության կապի և հեռահաղորդակցության վարչությունը (ԿՀՎ) հրապարակել է YouYube-ի արգելափակման մասին դատարանի որոշման իրավական հիմքերը, բոլորովին այլ բան է պարզվում: Թուրքական լրատվամիջոցներն ընդգծում են, որ սոցկայքի արգելափակման մասին նշյալ վարչության և Թուրքիայի արտգործնախարարի ներկայացրած պատճառաբանությունները չեն համընկնում իրար հետ: Թուրքական «Ռադիքալ» պարբերականը նշում է, որ ԿՀՎ-ի կայքում դատարանի հրապարակած վճռի մեջ հղում է արվում օրենքի, որը նախատեսված է կիրառել Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքին վիրավորելու դեպքում:

«Փաստորեն Դավութօղլուն հայտարարեց, որ YouTube-ի արգելափակում ազգային անվտանգության խնդիր է, իսկ ԿՀՎ-ն արգելափակման պատճառ է ներկայացնում Աթաթուրքին վիրավորանք հասցնելը: Սա մարդկանց գլխներում խառնաշփոթ է առաջացրել»,- գրում է «Ռադիքալ»-ը:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: