Քրդերը ո՞ր կուսակցությանն են ավելի շատ ձայն տվել

Տարածաշրջան13:17, 01 Ապրիլ 2014

Քրդերը ո՞ր կուսակցությանն են ավելի շատ ձայն տվել

Նախօրեին Թուրքիայում տեղի ունեցած Տեղական ինքնակառավարման մարմինների ընտրությունները համապետական ընտրությունների հնչեղություն ունեին:

Թուրքական «Հաբեր Դիյարբաքըր» էլեկտրոնային պարբերականում հրապարակված հոդվածում անդրադարձ է կատարվում Թուրքիայի քրդական շրջաններում ձայների բաշխմանը: Ըստ այդմ քրդական շրջաններում ընտրողների 70 %-ը քվեարկել է Էրդողանի գլխավորած «Արդարություն և զարգացում» կուսակցության (ԱԶԿ), 20%-ը քրդական «Խաղաղություն և ժողովրդավարություն» կուսակցության (ԽԺԿ), իսկ Թուրքիայի գլխավոր ընդիմադիր «Ժողովրդահանրապետական» (ԺՀԿ)ու այլ կուսակցությանների օգտին քվեարկել են ընդամենը 10%-ը:

Հոդվածագիրը վերլուծելով պատկերը ԱԶԿ-ի 70% քվեները բացատրում է այն հանգամանքով, որ քրդերը, ովքեր շատ տառապանքներ են տեսել քեմալիստների կառավարման շրջանում, փոքր-ինչ ազատ շունչ քաշեցին ԱԶԿ-ի կառավարման տարիներին: Բացի այդ քուրդ-թուրքական հաշտության գործընթացը ավարտին հասցնելու գործում քրդերը ԱԶԿ-ին այլընտրանք չեն տեսնում:

Քրդական ԽԺԿ-ի ձայները բացատրվում են զգացմուքային գործոնով, ինչպես նաև այն հանգամանքով, որ հաշտության գործընթացի մեջ ԽԺԿ-ին ևս կարևոր դեր է վերապահված:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: