Թուրք գործարարները, հիշեցնելով Ցեղասպանության 100 ամյակը, կոչ են անում խորհրդարանական ընտրությունները վաղաժամ անցկացնել

Տարածաշրջան07:59, 01 Ապրիլ 2014

Թուրք գործարարները, հիշեցնելով Ցեղասպանության 100 ամյակը, կոչ են անում խորհրդարանական ընտրությունները վաղաժամ անցկացնել

Տեղական ինքնակառավարման մարմինների (ՏԻՄ) ընտրություններ անցկացրած Թուրքիային դեռ երկու կարևոր նշանակության ընտրություններ են սպասվում. 2014-ի օգոստոսին անցկացվելու են նախագահական, իսկ 2015-ին` խորհրդարանական ընտրություններ:

Թուրքիայի գործարար շրջանակների ներկայացուցիչները հիմնականում կողմ են, որ նշյալ բոլոր ընտրությունները կազմակերպվեն ու ամփոփվեն 2014 թվականին: Խոսքը մասնավորապես 2015-ի խորհրդարանական ընտրություններին է վերաբերում: Ստամբուլի արդյունաբերական պալատի (İSO) նախագահ Էրդալ Բահչիվանը գործարար հայտարարություն է արել, թե ավելի նպատակահարմար և անհրաժեշտ է, որ խորհրդարանական ընտրություններն անկցացվեն վաղաժամ` 2014թ. նախագահական ընտրությունների հետ միասին: Այս տեսակետը հավանության արժանացավ Թուրքիայի գործարար աշխարհի բազմաթիվ ներկայացուցիչների կողմից:

Քոջաելիի արդյունաբերական պալատի նախագահ Այհան Զեյթինօղլուն պաշտպանել է վերոնշյալ տեսակետը: Խորհրդարանական ընտրությունների վաղաժամ անցկացումը, ըստ նրա, նպաստավոր է 2015-ին ներդրումների հոսքը չկասեցնելու առումով: Որպես օրինակ` Զեյթինօղլուն մատնանշել է, թե ինչպես է ՏԻՄ ընտրական գործընթացների պատճառով մի քանի ամսով դադարել ներդրումների իրականացումը երկրում: Բացի դրանից Զեյթինօղլուն կարևորել է Հայոց ցեղասպանության 100-ամյա տարելիցի գործոնը ու առավել ևս անհրաժեշտ համարել 2015-ի ընտրությունները 2014-ին անցկացնելը:

Դենիզլիի արդյունաբերական պալատի նախագահ Մուժդաթ Քեչեջին օգտակար է համարել նախագահական և խորհրդարանական ընտրությունների միաժամանակյա անցկացումը, ինչի արդյունքում 2015 թվականը զերծ կմնա ընտրական գործընթացներից, հետևաբար և կունենա առավել կայուն միջավայար տնտեսական տեսանկյունից:

Ադանայի առևտրաարդյունաբերական պալատի նախագահ Աթիլա Մենևշեն կարծիք է հայտնել, որ խորհրդարանական ընտրությունների վաղաժամ անցկացումը տնտեսական օգտակարություն կարող է ունենալ 2015 թվականին Թուրքիայի համար:

Հիշեցնենք, որ 2014-ի մարտի 30-ին Թուրքիայում կայացած ՏԻՄ ընտրությունների արդյունքում վարչապետ Ռեջեփ Թայիփ Էրդողանի գլխավորած «Արդարություն և զարգացում» կուսակցությունը հաղթել էր մրցակից կուսակցություններին:

Իշխանական ԱԶԿ (Արդարություն և զարգացում կուսակցություն) – 45. 53 %

Ընդդիմադիր ԺՀԿ (Ժողովրդահանրապետական կուսակցություն) – 27. 88 %

Ընդդիմադիր ԱՇԿ (Ազգայնական շարժում կուսակցություն) – 15. 20 %

Քրդական ԽԺԿ (Խաղաղություն և ժողովրդավարություն կուսակցություն) – 4.04 %

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: