Սիրիացի նախարար. «Թուրքիան հեշտացնում է ահաբեկիչների մուտքը Քեսաբ»

Տարածաշրջան12:36, 31 Մարտ 2014

Սիրիացի նախարար. «Թուրքիան հեշտացնում է ահաբեկիչների մուտքը Քեսաբ»

Սիրիական իշխանությունները Թուրքիային մեղադրում են իսլամիստ ահաբեկիչներին` Սիրիայի տարածք ներխուժելու և ավերածություններ կատարելու գործում աջակցություն ցույց տալու մեջ: Ըստ թուրքական «Հաբերլեր» լրատվական կայքի` Սիրիայի տեղեկատվության նախարար Ումրան Էլ Զուբին հեռուստաեթերից ասել է. «Էրդողանի կառավարությունն ամեն կերպ հեշտացնում է զինված ահաբեկիչներին մուտքը Քեսաբի շրջան: Թուրքական իշխանությունները խախտել են ամեն տեսակ ահաբեկչական գործողություն պատժելու անհրաժեշտության մասին միջազգային բոլոր որոշումները»:

Սիրիացի նախարարը նշել է, որ ահաբեկչական զինված խմբավորումներին աջակցություն ցույց տվող պետությունները` Թուրքիան, Սաուդյան Արաբիան և Քաթարը մեծ սխալ են գործում:

Նշենք, որ Սիրիային սահմանակից թուրքական 5 նահանգներից 3-ում (Շանլըուրֆա, Քիլիս և Գազիայնթեփ), հաղթանակ է տարել Թուրքիայի իշխանական «Արդարություն և զարգացում» կուսակցությունը (ԱԶԿ): Նախնական հաշվարկների համաձայն` մարտի 30-ին Թուրքիայում անցկացված տեղական ինքնակառավարման մարմինների (ՏԻՄ) ընտրություններում հիմնական ազդեցիկ կուսակցությունների ստացած քվեները տոկոսային հարաբերությամբ հետևյալ կերպ են տեղաբաշխվել:

ԱԶԿ – 43.7 տոկոս (18.909.618 ձայն)

Ընդդիմադիր ԺՀԿ (Ժողովրդահանրապետական կուսակցություն) – 25.7 տոկոս (11.142.819 ձայն)

Ընդդիմադիր ԱՇԿ (Ազգայնական շարժում կուսակցություն) – 17. 6 տոկոս (7.618.896 ձայն)

Քրդական ԽԺԿ (Խաղաղություն և ժողովրդվարություն կուսակցություն) – 4.4 տոկոս (1.904.252 ձայն)

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: