ՏԻՄ ընտրությունները Թուրքիայում ընթանում են արյունահեղությամբ. կան զոհեր և վիրավորներ

Տարածաշրջան12:08, 30 Մարտ 2014

ՏԻՄ ընտրությունները Թուրքիայում ընթանում են արյունահեղությամբ. կան զոհեր և վիրավորներ

Թուրքիայում այսօր մեկնարկած տեղական ինքնակառավարման մարմինների (ՏԻՄ) ընտրություններն ընթանում են բախումներով ու անկարգություններով` սառը զենքերի ու հրազենի գործադրմամբ: Ինչպես տեղեկացնում է թուրքական «Միլլիյեթ» պարբերականը, ոստիկանությունում արդեն ստացվել են 8 զոհի և 35 վիրավորի մասին հաղորդագրություններ: Վիրավորների մեջ կան ինչպես քաղաքացիներ, այնպես էլ ոստիկաններ: Օրինապահ մարմիններն արդեն ձերբակալել են շուրջ մեկ տասնյակ անձանց:

Սպանությունները տեղի են ունեցել Հաթայ նահանգի Գյոլբաշը և Շանլըուրֆա նահանգի Յուվաջըք գյուղերի համայնքապետերի ընտրությունների ժամանակ: Դիարբեքիրի (հայոց պատմական Ամիդ) Սիլվան շրջանում խմբակային բախումներ են տեղի ունեցել իշխող «Արդարություն և զարգացում» կուսակցության և քրդական «Խաղաղություն և ժողովրդավարություն» կուսակցության կողմնակիցների միջև: Վեճին միջամտած ոստիկաններից երկուսը վիրավորվել են:

Հիշեցնենք, որ ընտրապայքարում հիմնական մրցակցությունն ընթանում է իշխանական «Արդարություն և զարգացում» կուսակցության (ԱԶԿ), ընդդիմադիր «Ժողովրդահանրապետական» (ԺՀԿ), «Ազգայնական շարժում» (ԱՇԿ) կուսակցությունների և քրդական «Խաղաղություն և ժողովրդավարություն» (ԽԺԿ) կուսակցության առաջադրած թեկնածուների միջև: Կուսակցությունների նախընտրական ցուցակներում ընդգրկված են նաև Թուրքիայի ազգությամբ հայ քաղաքացիներ: Ընդհանուր առմամբ առաջադրված 160 հազար թեկնածուներ պայքարելու են 50 հզ 268 տեղի համար:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: