Թուրքիայի փոխվարչապետը դատապարտել է պետական գաղտնիքների հրապարակայնացումը

Տարածաշրջան10:25, 28 Մարտ 2014

Թուրքիայի փոխվարչապետը դատապարտել է պետական գաղտնիքների հրապարակայնացումը

Թուրքիայի փոխվարչապետ Բյուլեն Արընչը լրագրողների հետ հանդիպման ժամանակ մեկնաբանել է նախօրեին YouTube վիդեպորտալում հայտնված աղմկահարույց ձայնագրության փաստը:

Ըստ թուրքական «Դողան» լրատվական գործակալության` Արընչը դատապարտել է պետական նշանակության նմանօրինակ գաղտնի քննարկումների հրապարակայնացումը:

Հիշեցնենք, որ համացանցում տարածված ձայնագրությունը վերաբերում է օրերս Թուրքիայի արտգործնախարարությունում Սիրիայի դեմ ռազմական հնարավոր օպերացիայի գաղտնի քննարկմանը:

«Դա դավաճանություն է պետությանը: Ակնհայտ լրտեսություն,- ասել է փոխվարչապետը: - Թե ով է, որտեղից է այդ լրտեսը այս պահին չեմ կարող հասցեական նշել: Այդ իսկ պատճառով էլ YouTube-ն արգելափակվել է: Ես ընդամենը օգտվել եմ իմ իրավասությունից: Չէ՞ որ Թուրքիայի «Ռադիոյի և հեռուստատեսություն բարձրագույն խորհրդի» օրենքների համաձայն` ազգային անվտանգությանն ուղղակիորեն սպառնացող իրավիճակի դեպքում թուլատրվում է ժամանակավորապես արգելափակել հրապարակումները: Ես էլ ստորագրել եմ ու արգելքը կիրակվել է»:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: