Թուրքիայի արտգործնախարարությունը հաստատել է. Սիրիայի հարցը քննարկվել է

Տարածաշրջան12:29, 28 Մարտ 2014

Թուրքիայի արտգործնախարարությունը հաստատել է. Սիրիայի հարցը քննարկվել է

Թուրքիայի արտաքին գործերի նախարարությունը հայտարարություն է տարածել, որով հաստատում է,որ արտգործնախարարությունում Սիրիայի հարցի շուրջ գաղտնի քննարկումներ են տեղի ունեցել: ԱԳՆ-ն միաժամանակ դատապարտել է պետական կարևորագույն նշանակության և անվտանգության հարցերի գաղտնալսումներ իրականացնելը և դրանք հանրայնացնելը:

Արտգործնախարարության հայտարարության մեջ նշված է, որ համացանցում է հայտնվել ազգային անվտանգության հարցերով իրավասու պետական պաշտոնյաների մասնակցությամբ իրականացված ճգնաժամային կառավարման ժողովի ձայնագրությունը, որի որոշ հատվածներ խեղաթյուրված են: Ժողովը գումարվել էր Սիրիայում առկա բախումների հետևանքով Թուրքիայի համար ստեղծված ռիսկերը և սպառնալիքներն ու հնարավոր ձեռնակվելիք միջոցները, այդ համատեքստում նաևՍիրիայի սահմաններում գտնվող, սակայն թուրքական տարածք համարվող Սուլեյման Շահի դամբարանի պատվո պահակախմբի դեմ ուղղված սպառնալիքները քննարկելու նպատակով:

Արգործնախարարությունը նմանատիպ գաղտնի քննարկումների գաղտնալսումը Թուրքիայի ազգային անվտանգությանն ուղղված հարձակում և ծայրահեղ ծանր հանցագործություն է որակել: «Այս դեպքը ցույց է տալիս կիբեր և տեխնոլոգիական հարձակումների սպառնալիքների չափերը, որի առաջ կանգնած է մեր երկիրը: Մեր պետության և ազգի անվտանգությանն ուղղված այս հարձակումն իրագործողներն ամենակարճ ժամկետում կբացահայտվեն և պատասխանատվության կենթարկվեն»,-նշված է հայտարարությունում:

Հիշեցնենք, որ երեկ «YouTube» կայքում տեղադրվել էր գաղտնի հանդիպման ձայանագրություն, որտեղ Թուրքիայի արտաքին գործերի նախարար Ահմեթ Դավութօղլուն, ԱԳՆ քարտուղարության պետ Ֆ. Սինիրլիօղլուն, Ազգային հետախուզական ծառայության ղեկավար Հ. Ֆիդանը, ԳՇ պետի տեղակալ Յ. Գյուլերը քննարկում են մարտի 23-ին Թուրքիայի կողմից սիրիական ինքնաթիռի խոցվելուց հետո Սիրիայի դեմ հնարավոր ռազմական գործողությունների պլանը:

Քննարկման ժամանակ Ֆիդանը նշում է, որ եթե Սիրիայի դեմ գործողության համար պատրվակ է պետք, ապա կարող է Սիրիա գործուղել մարդկանց, հրթիռներ արձակել, ինչն էլ հիմնավորում կծառայի Թուրքիայի կողմից: Հ. Ֆիդանը հավելում է, որ արդեն 2000 միավոր սպառազինություն ու ռազմական նշանակության ապրանքներ են ուղարկվել (ապստամբներին): ԳՇ պետի տեղակալ Գյուլերն էլ նշել է ապստամբներին սպառազինելու անհրաժեշտության մասին: Շրջանառվել է թվով 1000 զինյալի զենքով ապահովելու մասին: Ձայնագրության հայտնվելուց հետո որոշում է կայացվել հրավիրել Թուրքիայի Ազգային անվտանգության խորհրդի արտահերթ նիստ:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: