Էրդողանն անբարոյականություն է անվանել YouTube-ում գաղտնի զրույցների ձայնագրության տեղադրումը

Տարածաշրջան09:10, 28 Մարտ 2014

Էրդողանն անբարոյականություն է անվանել YouTube-ում գաղտնի զրույցների ձայնագրության տեղադրումը

Թուրքիայում նախօրեին YouTube կայքում «secim gudumu» (ընտրությունների համակարգում) անունով օգտատերը հրապարակել էր Թուրքիայի արտգործնախարար Ահմեթ Դավութօղլուի մասնակցությամբ ձայնագրություն: Մեծ աղմուկ բարձրացրած ձայնագրությունում Թուրքիայի արտաքին գործերի նախարար Ահմեթ Դավութօղլուն, փոխնախարար Ֆերիդուն Սինիրլիօղլուն, ազգային հետախուզության ծառայության պետ Հաքան Ֆիդանը եւ ԶՈՒ գլխավոր շտաբի պետի տեղակալ Յաշար Գյուլերը քննարկում են Սիրիա ներխուժման պլանը:

Թուրքական «Ջումհուրիյեթ» թերթի տեղեկացմամբ Թուրքիայի արտգործնախարարությունը և վարչապետ Ռեջեփ Թայիփ Էրդողանը ընդունել են այդ ձայնագրության իսկությունը:

Էրդողանը Դիարբեքիրում կուսակցության հանրահավաքի ժամանակ նշել է, որ այժմ YouTube –ում են հայտնվում անգամ արտաքին գործերի նախարարությունում ազգային անվտանգության, Սիրիայում Սուլեյման շահի դամբարանի վերաբերյալ կատարվող քննարկումները: «Դա անբարոյականություն, ստորություն և անազնիվ քայլ է»,-ասել է Էրդողանը:

Այս ձայնագրության YouTube-ում հայտնվելուց հետո Թուրքիայում կայքն արգելափակվեց:
Իսկ ահա մեկ այլ աղմկահարույց ձայնագրության առնչությամբ Անկարայի գլխավոր դատախազությունը հետաքննություն է սկսել:

Թուրքական «Զաման» թերթը փոխանցմամբ՝ խոսքը գնում Էրդողանի և նրա որդու Բիլալ Էրդողանի հեռախոսազրույցի ձայնագրության մասին: Դատախազության հայտարարության մեջ նշվում է, որ հաստատության տեղեկատվական հանցագործությունների բաժինը հետաքննություն է սկսել՝ «Յուրթ», «Սօզջու», «Վաթան» թերթերում ձայնագրության վերաբերյալ հրապարակված լուրերը հանցագործ բնույթի համարելով:

Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: